A. Batalov: Bıyl turǵyndardyń 61%-ynyń tabıǵı gazǵa qosylýyna múmkindik týady

2004
Adyrna.kz Telegram

Ótken jyly oblys turǵyndarynyń 59%-ine, ıaǵnı 1,2 mln. adamnyń gazǵa qosylýyna múmkindik týdy. Bıylǵy jyly taǵy 23 eldi mekende osyndaı jaǵdaı jasalyp, kórsetkish 61%-ke jetedi. Bul týraly búgin Nur-Sultan qalasyndaǵy Ortalyq kommýnıkaııalar qyzmeti alańynda ótken brıfıng kezinde Almaty oblysynyń ákimi Amandyq Batalov aıtty, - dep habarlaıdy Jetisy Media.

Óńir basshysynyń aıtýynsha, ázirge kógildir otyn jetkizilmegen bes aýdan qaldy:

«Osy aýdandardy gazdandyrý úshin «Taldyqorǵan - Úsharal», «Shelek-Kegen» magıstraldy gaz qubyry qurylysynyń jobalyq-smetalyq qujattamasyn aıaqtaımyz. Qurylys jumystary kelesi jyldan bastalady», - dedi A. Batalov.

Sol sııaqty spıker ortalyqtandyrylǵan aýyz sýmen qamtý deńgeıi respýblıka boıynsha aldyńǵy qatarda ekenin tilge tıek etti, ıaǵnı 98,3%, bul 678 eldi meken qamtyldy degen sóz. Bıylǵy jyly 7 aýylǵa sý qubyryn júrgizý esebinen bul kórsetkish 99,5% jetkiziledi, sol sııaqty 11 aýylda aýyz sý sapasy jaqsartylady.

Baıandamashynyń sózine súıensek, jyldan jylǵa jol sapasy da jaqsaryp keledi, qazirgi kezde jaqsy jáne qanaǵattarlyq jaǵdaıdaǵy jergilikti mańyzdaǵy joldardyń úlesi - 84%. Bıylǵy jyly 385 eldi mekende oblystyq mańyzdaǵy jáne aýylishilik 332 km jol jóndeledi, oǵan 33 mlrd. teńge bólindi.

Pikirler