تۇركىستان وبلىسىنىڭ وتىرار اۋدانىندا ءۇش قاباتتى كوپپاتەرلى تۇرعىن ۇيدە گاز جارىلىسى بولدى. توتەنشە جاعداي 30 قازان كۇنى ءشاۋىلدىر اۋىلىندا بولعان، دەپ حابارلايدى “ادىرنا”.
الدىن الا مالىمەت بويىنشا، جارىلىسقا ادامداردىڭ گاز جۇيەسىنە ءوز بەتىنشە قوسىلۋى سەبەپ بولعان.
ء“بىر ادام زارداپ شەگىپ، بىرنەشە پاتەر ءبۇلىندى. گاز بەرۋ ۋاقىتشا توقتاتىلدى، جەلىلەرگە تەكسەرۋ جۇرگىزىلىپ جاتىر”، — دەلىنگەن حابارلامادا.
“QazaqGaz Aimaq” اق گازعا ءوز بەتىنشە قوسىلۋعا قاتاڭ تىيىم سالىناتىنىن جانە ونىڭ ادام ءومىرى مەن قاۋىپسىزدىگىنە زور قاۋىپ توندىرەتىنىن ەسكەرتەدى. گاز جابدىقتارىن قوسۋ جانە تەحنيكالىق قىزمەت كورسەتۋ تەك ليتسەنزياسى بار ماماندار تاراپىنان جۇزەگە اسىرىلۋى ءتيىس.
ۇقساس جاڭالىقتار
