بايدەن اقش بارلاۋ قىزمەتىنە كوروناۆيرۋستىڭ قايدان شىققانىن تەز انىقتاۋعا بۇيرىق بەردى

2760
Adyrna.kz Telegram

اقش پرەزيدەنتى دجو بايدەن كوۆيد-19 پاندەمياسىنىڭ پايدا بولۋ سەبەبىن مۇقيات بارلاۋ تۋرالى بۇيرىق بەردى، دەپ حابارلايدى «ادىرنا» ۇلتتىق پورتالى qamshy.kz سايتىنا سىلتەمە جاساپ.

بايدەن وسى جىلدىڭ باسىندا بارلاۋ قاۋىمداستىعىنا «كوۆيد-19-دىڭ شىعۋ تەگى تۋرالى، سونىڭ ىشىندە ۆيرۋستىڭ جانۋارلاردان ادامعا جۇققانى نەمەسە زەرتحانالىق اپاتتان تۋىنداعانى تۋرالى ەڭ زاماناۋي تالداۋمەن ەسەپ دايىنداۋ» تۋرالى تاپسىرما بەرگەنىن ايتتى.

«بۇگىنگى كۇنى اقش بارلاۋ قاۋىمداستىعى مۇمكىن ەكى ستسەناريگە تۇراقتادى، بىراق بۇل ماسەلە بويىنشا ناقتى ءبىر قورىتىندىعا قول جەتكىزە المادى»، - دەدى بايدەن.

سونىمەن قاتار اقش پرەزيدەنتى اقپارات جيناۋ بويىنشا ءىس-ارەكەتتەردى كۇشەيتۋدى تاپسىرعان.

«مەن قازىر بارلاۋ قوعامداستىعىنان ءبىزدى تۇپكىلىكتى تۇجىرىمعا جاقىنداتا الاتىن اقپاراتتى جيناۋ جانە تالداۋ بويىنشا ءىس-ارەكەتتەردى كۇشەيتۋدى جانە 90 كۇن ىشىندە ماعان ەسەپ بەرۋىن سۇرادىم»، - دەدى ول.

"ادىرنا" ۇلتتىق پورتالى

پىكىرلەر