AQSh prezıdenti Djo Baıden Kovıd-19 pandemııasynyń paıda bolý sebebin muqııat barlaý týraly buıryq berdi, dep habarlaıdy «Adyrna» ulttyq portaly qamshy.kz saıtyna silteme jasap.
Baıden osy jyldyń basynda barlaý qaýymdastyǵyna «Kovıd-19-dyń shyǵý tegi týraly, sonyń ishinde vırýstyń janýarlardan adamǵa juqqany nemese zerthanalyq apattan týyndaǵany týraly eń zamanaýı taldaýmen esep daıyndaý» týraly tapsyrma bergenin aıtty.
«Búgingi kúni AQSh barlaý qaýymdastyǵy múmkin eki senarııge turaqtady, biraq bul másele boıynsha naqty bir qorytyndyǵa qol jetkize almady», - dedi Baıden.
Sonymen qatar AQSh prezıdenti aqparat jınaý boıynsha is-áreketterdi kúsheıtýdi tapsyrǵan.
«Men qazir barlaý qoǵamdastyǵynan bizdi túpkilikti tujyrymǵa jaqyndata alatyn aqparatty jınaý jáne taldaý boıynsha is-áreketterdi kúsheıtýdi jáne 90 kún ishinde maǵan esep berýin suradym», - dedi ol.
"Adyrna" ulttyq portaly
