جەزقازعاندا مىس بالقىتۋ زاۋىتى تسەحىنداعى 100 شارشى مەتر الاڭدا ترانسفورماتوردىڭ بولىكتەرى مەن مايلارى جانعان دەپ حابارلايدى «ادىرنا» ۇلتتىق پورتالى inbusiness.kz-كە سىلتەمە جاساپ.
تاڭعى ساعات 8.53-تە جەزقازعان قالاسىنداعى «قازاقمىس» كورپوراتسياسىنىڭ جەزقازعان مىس بالقىتۋ زاۋىتىنان ءورت شىققانى تۋرالى حابارلاما توتەنشە جاعدايلار قىزمەتىنە كەلىپ تۇسكەن.
زاۋىتتىڭ بالقىتۋ تسەحىنداعى ترانسفورماتوردىڭ جاناتىن بولىكتەرى مەن مايلارى ورتكە ورانعان. ءتىلسىز جاۋ شارپىعان اۋماق شامامەن 100 شارشى مەتر الاڭدى قۇراپ وتىر. ورتتەن زارداپ شەككەندەر مەن قازا تاپقاندار جوق. قازىرگى ۋاقىتتا بالقىتۋ تسەحىندا ءوندىرىس ۋاقىتشا توقتاتىلعان.
«ءورتتى سوندىرۋگە قاراعاندى وبلىسى توتەنشە جاعداي دەپارتامەنتى 26 ادام جانە 7 تەحنيكا، سونداي - اق «سەرىكتەس» مەكەمەسىنىڭ 13 قىزمەتكەرى مەن 3 تەحنيكاسى جۇمىلدىرىلدى»،– دەپ حابارلادى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
"ادىرنا" ۇلتتىق پورتالى.
