مەملەكەت باسشىسى قاسىم-جومارت توقاەۆ الماتى قالاسىنداعى حوستەلدەردىڭ بىرىندە قازا تاپقان قازاقستاننىڭ جانە شەتەل ازاماتتارىنىڭ جاقىندارى مەن تۋعان-تۋىستارىنا كوڭىل ايتتى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
قايعىلى جاعدايعا كىنالىلەر زاڭ بويىنشا جاۋاپقا تارتىلادى. ۇكىمەت پەن اكىمدىككە زارداپ شەككەندەردىڭ وتباسىلارىنا كومەك كورسەتۋ تاپسىرىلدى، - دەپ جازىلعان حابارلامادا.
بۇعان دەيىن حابارلاعانىمىزداي، بۇگىن تاڭەرتەڭ الماتىدا ورنالاسقان حوستەلدەردىڭ بىرىنەن ءورت شىعىپ، 13 ادامدى اجال قۇشتى. بەلگىلى بولعانداي حوستەلدىڭ ىسكە قوسىلعانىنا نە ءبارى 1,5 اي بولعان. وندا شەتەل ازاماتتارى تۇرعان. سونىمەن قاتار ءورتتىڭ شىعۋ سەبەپتەرىن تەكسەرۋ جونىندەگى ۇكىمەتتىك كوميسسيا قۇرىلدى. ورتتەن زارداپ شەككەندەردىڭ جاعدايى تۋرالى مالىمەت بەلگىلى بولعان ەدى.
