قازاق ەلىنىڭ سەيسمولوگ عالىمدارى عىلىمي زەرتتەۋلەرگە يەك ارتا وتىرىپ، الداعى ۋاقىتتا ەلىمىزدە بولۋى مۇمكىن جەر دۇمپۋلەرىنە قاتىستى بولجام جاسادى. بۇل جايلى "Qazaqstan" ۇلتتىق ارناسى حابارلادى، دەپ جازدى "ادىرنا" ۇلتتىق پورتالى.
"Qazaqstan" ۇلتتىق ارناسىنىڭ جۋرناليستەرى دايىنداعان ماتەريالدا ماماندار بىلاي جازادى:
- الماتىدا جويقىن جەر سىلكىنىسى بولا ما؟ سەيسمولوگتار بولجام جاسادى. قازاقستاندىق سەيسمولوگتار الماتى ايماعىندا جەتى بالدىق جويقىن جەر سىلكىنىسىنىڭ ىقتيمال قاۋپىن باعالادى. ەلىمىزدىڭ وڭتۇستىك جانە وڭتۇستىك-شىعىس بولىكتەرى سەيسميكالىق قاۋىپتى ايماقتا ورنالاسقان. اسىرەسە، الماتى اۋماعى. مۇندا 1887 جانە 1911 جىلدارى كۇشتى جەر سىلكىنىسى بولعان. قازىرگى تاڭدا مەگاپوليستە ءدۇمپۋدىڭ ورتاشا مەرزىمى بويىنشا قورىتىندى ازىرلەندى.
قۇرمەتتى وقىرمان، ەستەرىڭىزگە سالا كەتەيىك، تۇركيانىڭ وڭتۇستىك-شىعىسى مەن سيريا ايماعىندا التىنشى اقپان كۇنى جەر سىلكىندى. ءزىلزالانىڭ ماگنيتۋداسى 7,6 بالدى قۇرادى.
قازاق ەلىندەگى جەر تولقىنىسىنا بەيىم ايماقتارعا قاتىستى 2018 جىلى جاريالانعان دەرەكنامادا:
«قازاقستان اۋماعىنىڭ سەيسميكالىق قاۋىپتى ايماق سانالاتىن ۇشتەن ءبىر بولىگىندە 6 ميلليوننان استام ادام تۇرادى. 400-دەن استام قالالار مەن ەلدى مەكەندەر، ونەركاسىپ الەۋەتىنىڭ 40%-ى وسى ايماقتارعا شوعىرلانعان. قر سەيسميكالىق اۋداندارىنداعى (ايماقتارىندا) قۇرىلىس» ەرەجەلەرى جيناعىنا (2.03-30-2017 قر ەج) سايكەس، الماتى قالاسى، الماتى، اتىراۋ، اقتوبە، شىعىس قازاقستان، جامبىل، باتىس قازاقستان، قاراعاندى، قىزىلوردا، ماڭعىستاۋ، وڭتۇستىك قازاقستان وبلىستارى سەيسميكالىق قاۋىپتى ايماقتا ورنالاسقان. ۇيىمنىڭ ەسكى اتاۋىن جاڭعىرتۋدىڭ نەگىزى وسىندا جاتىر» دەلىنگەن.
"ادىرنا" ۇلتتىق پورتالى
