Almaty oblysynda mas küiınde kölık jürgızgen 17 jastaǧy mektep tülegı jol apatyna tüstı, dep habarlaidy "Adyrna" ūlttyq portaly.
Oblystyq polisiianyŋ habarlauynşa, jol apaty 25 mamyrda keşke taman Üştöbede bolǧan.
"17 jastaǧy Audi jürgızuşısı Qabanbai batyr köşesımen kele jatyp, Taldyqorǧan qalasynyŋ 20 jastaǧy tūrǧyny basqarǧan motosiklmen soqtyǧysqan. Apat saldarynan 20 jastaǧy motosikl jolauşysy auruhanaǧa jatqyzyldy. Basqa qūrbandar men zardap şekkender joq", dep atap öttı bölımde.Keiınırek belgılı bolǧandai, kämeletke tolmaǧan jürgızuşı alkogoldık mas küiınde, dosynyŋ kölıgıne otyruǧa bel buǧan.
"Qazırgı uaqytta jol-kölık oqiǧasy faktısı boiynşa tergeu amaldary jürgızılude. Qazaqstan Respublikasy Qylmystyq kodeksınıŋ 345-bap, 1-tarmaǧy boiynşa qylmystyq ıs qozǧaldy", dep naqtylady baspasöz qyzmetı.
"Adyrna" ūlttyq portaly
Ūqsas jaŋalyqtar
