يلون ماسك مايمىلدار مەن شوشقالارعا «مي-كومپيۋتەر» ينتەرفەيسى ارقىلى (BCI) تاجىريبە جاساپ جاتقاندا، قىتاي حيرۋرگيالىق ارالاسۋدى قاجەت ەتپەيتىن وزدەرىنىڭ ۇقساس تەحنولوگيالارىمەن جۇمىس ىستەۋدە دەپ حابارلايدى «ادىرنا» ۇلتتىق پورتالى 3dnews.ru سايتىنا سىلتەمە جاساپ.
قىتايعا BCI-ينتەرفەيستەرىنە ارنالعان سىمدى تەحنولوگيالاردى جەتكىزۋگە اقش سانكتسيا ەنگىزىلگەندىكتەن، بۇل ەلدىڭ عالىمدارى ونى سىمسىز قولدانباق.
ازيالىق ايماقتىق باق حابارلاعانداي، يلون ماسكتىڭ Neuralink سەريالى ينتەرفەيستەرى جانۋارلاردىڭ ميىنا ەلەكترودتار يمپلانتاتسيالاۋدى قاجەت ەتسە، قىتايلىقتاردىڭ ەڭ سوڭعى دامۋى ميدىڭ سيگنالدارىن قابىلداۋ مەن ءتۇسىندىرۋدىڭ ءينۆازيۆتى ەمەس بالاماسىن ۇسىناتىن جينالمالى باس كيىممەن باستالدى.
قازىرگى تاڭدا قىتايدىڭ تيانتسزين ۋنيۆەرسيتەتىنىڭ ينجەنەرلەر توبى وزدەرىنىڭ Braintalker ءچيپىنىڭ وي كۇشىمەن ماتىندىك كوماندالاردى تەرۋگە مۇمكىندىك بەرەتىن جاڭارتىلعان نۇسقاسىن ازىرلەۋدە. عالىمداردىڭ پىكىرىنشە، تەحنولوگيانىڭ كوممەرتسيالىق قولدانىسقا ەنۋىنە ءالى ۋاقىت كەرەك، دەگەنمەن ول قولدانبالى كوممەرتسيالىق ازىرلەمەلەردىڭ تالاپتارىنا ساي كەلەتىن «ساپالى» مي سيگنالدارىن وقۋعا مۇمكىندىك بەرەدى. وتكەن جىلى ءدال وسى توپ كومپيۋتەرگە 108 كوماندا جىبەرە الاتىن، جوعارى جىلدامدىقتى جۇيكە ينتەرفەيسىن جاساعان بولاتىن. بۇل باسەكەگە قابىلەتتى جۇيەلەر ۇسىنعاننان ءۇش نەمەسە ءتورت ەسە كوپ.
«مي-كومپيۋتەر» ينتەرفەيسى تەحنولوگياسى بۇگىندە اقش-تىڭ ونەركاسىپ جانە قاۋىپسىزدىك بيۋروسىنىڭ شەكتەۋلى باقىلاۋ تىزىمىندەگى 14 ماڭىزدى دامۋ جوبالارىنىڭ قاتارىندا تۇر. تەحنولوگيالىق بلوكادا قىتاي زەرتتەۋشىلەرىن ءوز جوبالارى ءۇشىن بالاما ازىرلەمەلەردى قولدانۋعا ءماجبۇر ەتتى.
قحر وكىلدەرىنىڭ ايتۋىنشا، مەملەكەت سىمدى نەيروينتەرفەيستەر سالاسىندا ءالى دە بولسا ارتتا قالعانىمەن، قىتايدىڭ ءينۆازيۆتسىز شەشىمدەرى اقپاراتتى وقىپ قانا قويماي، كەرى بايلانىس ورناتا الادى. وسىلايشا چجەتسزيان ۋنيۆەرسيتەتىنىڭ مەديتسينا ماماندارى قىتاي عالىمدارىنىڭ ازىرلەمەلەرىن ەپيلەپسيا ۇستامالارىن ءتيىمدى باقىلاۋ ءۇشىن پايدالانادى.
سىزگە ارزان باعامەن كومپيۋتەرلەر قاجەت بولسا - Smakso.kz سايتىنان الا الاسىزدار.
تيانتسزين ۋنيۆەرسيتەتى سونداي-اق عارىشكەرلەردى دايارلاۋ ورتالىعىمەن بىرلەسىپ، اەروعارىشتا نەيروينتەرفەيستەر مەن اقىلدى روبوتتاردى قولدانۋ مۇمكىندىگىن زەرتتەيدى. بۇل جەردە Braintalker ءچيپى تايكوناۆتتاردىڭ جۇمىسىن، اسىرەسە، عارىش كەڭىستىگىندە ايتارلىقتاي جەڭىلدەتۋى مۇمكىن دەپ كۇتىلۋدە.
«ادىرنا» ۇلتتىق پورتالى.
