استانادا نۇرا اۋدانىندا ورنالاسقان كۇلتەگىن كوشەسىندەگى 10 قاباتتى تۇرعىن ۇيدە ءورت بولدى، دەپ حابارلايدى "ادىرنا" ۇلتتىق پورتالى.
الدىن الا مالىمەتكە سايكەس، ءورت ەلەكتر قالقانىنان شىعىپ، شاحتا ارقىلى ءبىرىنشى قاباتتان ونىنشى قاباتقا دەيىن تارالعان.
وقيعا ورنىنا جەتكەن قۇتقارۋشىلار پودەزدەن قويۋ ءتۇتىندى بايقاعان.
قۇتقارۋ جۇمىستارى بارىسىندا اۆتوساتىنىڭ كومەگىمەن 3 ادام ەۆاكۋاتسيالاندى. ولاردىڭ ەكەۋى بالالار بولعان. سونىمەن قاتار باسپالداق ارقىلى ارنايى قۇتقارۋ قالپاقشالارىن پايدالانىپ تاعى 3 ادام شىعارىلدى.
قازىرگى ۋاقىتتا وقيعانىڭ ءمان-جايى انىقتالىپ جاتىر. زارداپ شەككەندەر تۋرالى اقپارات جوق.
ايتا كەتەيىك، بىرنەشە كۇن بۇرىن ەلورداداعى تۇرعىن ءۇيدىڭ بىرىندە ءورت شىعىپ، بالالار كوز جۇمعان ەدى.
ۇقساس جاڭالىقتار
