Qytaı ǵalymdary symsyz «mı-kompıýter» ınterfeısin jasady

3855
Adyrna.kz Telegram

Ilon Mask maımyldar men shoshqalarǵa «mı-kompıýter» ınterfeısi arqyly (BCI) tájirıbe jasap jatqanda, Qytaı hırýrgııalyq aralasýdy qajet etpeıtin ózderiniń uqsas tehnologııalarymen jumys isteýde dep habarlaıdy «Adyrna» ulttyq portaly 3dnews.ru saıtyna silteme jasap.

Qytaıǵa BCI-ınterfeısterine arnalǵan symdy tehnologııalardy jetkizýge AQSh sankııa engizilgendikten, bul eldiń ǵalymdary ony symsyz qoldanbaq.

Azııalyq aımaqtyq BAQ habarlaǵandaı, Ilon Masktyń Neuralink serııaly ınterfeısteri janýarlardyń mıyna elektrodtar ımplantaııalaýdy qajet etse, qytaılyqtardyń eń sońǵy damýy mıdyń sıgnaldaryn qabyldaý men túsindirýdiń ınvazıvti emes balamasyn usynatyn jınalmaly bas kıimmen bastaldy.

Qazirgi tańda Qytaıdyń Tıanzın ýnıversıtetiniń ınjenerler toby ózderiniń Braintalker chıpiniń oı kúshimen mátindik komandalardy terýge múmkindik beretin jańartylǵan nusqasyn ázirleýde. Ǵalymdardyń pikirinshe, tehnologııanyń kommerııalyq qoldanysqa enýine áli ýaqyt kerek, degenmen ol qoldanbaly kommerııalyq ázirlemelerdiń talaptaryna saı keletin «sapaly» mı sıgnaldaryn oqýǵa múmkindik beredi. Ótken jyly dál osy top kompıýterge 108 komanda jibere alatyn, joǵary jyldamdyqty júıke ınterfeısin jasaǵan bolatyn. Bul básekege qabiletti júıeler usynǵannan úsh nemese tórt ese kóp.

«Mı-kompıýter» ınterfeısi tehnologııasy búginde AQSh-tyń Ónerkásip jáne qaýipsizdik bıýrosynyń shekteýli baqylaý tizimindegi 14 mańyzdy damý jobalarynyń qatarynda tur. Tehnologııalyq blokada Qytaı zertteýshilerin óz jobalary úshin balama ázirlemelerdi qoldanýǵa májbúr etti.

QHR ókilderiniń aıtýynsha, memleket symdy neıroınterfeıster salasynda áli de bolsa artta qalǵanymen, Qytaıdyń ınvazıvtsiz sheshimderi aqparatty oqyp qana qoımaı, keri baılanys ornata alady. Osylaısha Chjezıan ýnıversıtetiniń medıına mamandary qytaı ǵalymdarynyń ázirlemelerin epılepsııa ustamalaryn tıimdi baqylaý úshin paıdalanady.

Sizge arzan baǵamen kompıýterler qajet bolsa - Smakso.kz saıtynan ala alasyzdar.

Tıanzın ýnıversıteti sondaı-aq ǵaryshkerlerdi daıarlaý ortalyǵymen birlesip, aeroǵaryshta neıroınterfeıster men aqyldy robottardy qoldaný múmkindigin zertteıdi. Bul jerde Braintalker chıpi taıkonavttardyń jumysyn, ásirese, ǵarysh keńistiginde aıtarlyqtaı jeńildetýi múmkin dep kútilýde.

«Adyrna» ulttyq portaly.

Pikirler