رەسەيدىڭ ءنوۆوسىبىر قالاسىندا ەرەكشە سايىس ءوتتى. شاھارعا ەلدىڭ ءار قالاسىنان كەلگەن توپتار از ۋاقىت ارالىعىندا ادامدى كومەتىن كور قازىپ، وعان تابىتتى ورنالاستىرۋدان باق سىناستى. ناتيجەسىندە ومبى قالاسىنان كەلگەن قاتىسۋشىلار سايىستىڭ جەڭىمپازدارى اتاندى، دەپ حابارلايدى «ادىرنا» ۇلتتىق پورتالى nur.kz سايتىنا سىلتەمە جاساپ.
باسىلىمنىڭ مالىمەتىنشە، سايىس وتكەن جەر ءنوۆوسىبىر قالاسىنداعى كرەماتوريدىڭ جانىنداعى الاڭدا ءوتىپتى.
ايتا كەتەرلىگى، بايقاۋ «نەكروپول – ءسىبىر 2021» كورمەسى اياسىندا ۇيىمداستىرىلعان. سايىستىڭ تالاپتارى دا وزگەشە بولدى. جارىس قاتىسۋشىلارى ۇزىندىعى 2 مەتردى، ەنى 80 سانتيمەردى جانە تەرەڭدىگى 160 سانتيمەردى قۇرايتىن كور قازۋ كەرەك بولدى. كوردىڭ قانشالىقتى تالاپتارعا سايكەس كەلەتىنiن، ءادىل قازى مۇشەلەرى وعان تابىتتى ورنالاستىرۋ ارقىلى انىقتاپ، ءبىلىپ وتىردى.
ۇيىمداستىرۋشىلار سايىسقا قاتىسقان ەكى بىردەي توپ كوردى جارىس تالاپتارىنا ساي قازبادى دەيدى. وسىلايشا، چەمپيونات جەڭىمزدارى رەتىندە ومبى قالاسىنان كەلگەن توپ تانىلدى. ولار 38 مينۋت ىشىندە بارلىق تالاپتارعا ساي كەلەتىن كور قازىپ، جارىستىڭ جەڭىمپازدارى اتاندى.
بايقاۋعا سونداي-اق رەسەيدىڭ تومسك، التاي ءوڭىرىنىڭ قالالارىنان كەلگەن توپتار قاتىستى. جارىستى ۇيىمداستىرۋشىلار مۇنداي ەرەكشە بايقاۋدى نە سەبەپتى وتكىزگەندەرىن دە ءتۇسىندىرىپ بەردى.
ايتۋلارىنشا، ولار وسى سايىس ارقىلى جاستاردىڭ اتالعان كاسىپكە دەگەن قىزىعۋشىلىعىن ارتتىرىپ، جۇمىستىڭ ورىندالۋ ساپاسىن جاقسارتپاقشى بولىپتى. سونىمەن بىرگە، ولار مۇنداي سايىستان سوڭ جەرلەۋ ءراسىمىن ورىنداۋدان باس تارتپايتىن جاستار كوبەيەدى دەپ سەنىپ وتىر.
"ادىرنا" ۇلتتىق پورتالى
(فوتو 24tv.ua سايتىنان)
