Reseıdiń Novosibir qalasynda erekshe saıys ótti. Shaharǵa eldiń ár qalasynan kelgen toptar az ýaqyt aralyǵynda adamdy kómetin kór qazyp, oǵan tabytty ornalastyrýdan baq synasty. Nátıjesinde Omby qalasynan kelgen qatysýshylar saıystyń jeńimpazdary atandy, dep habarlaıdy «Adyrna» ulttyq portaly nur.kz saıtyna silteme jasap.
Basylymnyń málimetinshe, saıys ótken jer Novosibir qalasyndaǵy krematorııdiń janyndaǵy alańda ótipti.
Aıta keterligi, baıqaý «Nekropol – Sibir 2021» kórmesi aıasynda uıymdastyrylǵan. Saıystyń talaptary da ózgeshe boldy. Jarys qatysýshylary uzyndyǵy 2 metrdi, eni 80 santımerdi jáne tereńdigi 160 santımerdi quraıtyn kór qazý kerek boldy. Kórdiń qanshalyqty talaptarǵa sáıkes keletinin, ádil qazy músheleri oǵan tabytty ornalastyrý arqyly anyqtap, bilip otyrdy.
Uıymdastyrýshylar saıysqa qatysqan eki birdeı top kórdi jarys talaptaryna saı qazbady deıdi. Osylaısha, chempıonat jeńimzdary retinde Omby qalasynan kelgen top tanyldy. Olar 38 mınýt ishinde barlyq talaptarǵa saı keletin kór qazyp, jarystyń jeńimpazdary atandy.
Baıqaýǵa sondaı-aq Reseıdiń Tomsk, Altaı óńiriniń qalalarynan kelgen toptar qatysty. Jarysty uıymdastyrýshylar mundaı erekshe baıqaýdy ne sebepti ótkizgenderin de túsindirip berdi.
Aıtýlarynsha, olar osy saıys arqyly jastardyń atalǵan kásipke degen qyzyǵýshylyǵyn arttyryp, jumystyń oryndalý sapasyn jaqsartpaqshy bolypty. Sonymen birge, olar mundaı saıystan soń jerleý rásimin oryndaýdan bas tartpaıtyn jastar kóbeıedi dep senip otyr.
"Adyrna" ulttyq portaly
(foto 24tv.ua saıtynan)
