شىمكەنت قالاسىنىڭ تازالىعىن قامتاماسىز ەتۋ، تۇرعىنداردا تازالىق مادەنيەتىن قالىپتاستىرۋ ماقساتىندا قالا اكىمى مۇرات ايتەنوۆتىڭ باستاماسىمەن پوليتسيا دەپارتامەنتى قىزمەتكەرلەرىنەن ەكوپوليتسەيلەر قۇرىلعان بولاتىن. ءار اۋدانعا 4 ماماننان تارتىلعان. جىل سوڭىنا دەيىن ماماندار سانىن 10-عا شىعارۋ جوسپارلانۋدا.
ولار «مۇلدەم توزبەۋشىلىك قاعيداتى» بويىنشا ءاربىر قۇقىق بۇزۋشىلىققا دەر كەزىندە دەن قويۋ ءۇشىن «ۋاتساپ» جەلىسى ارقىلى چاتتار قۇرىپ، وعان بەلسەندى ازاماتتار، ءۇي تۇرعىندارى مەن ءۇي ءتورايىمدارىن، بلوگەرلەردى ەنگىزگەن. بۇل ءادىس قۇقىق بۇزۋشىلىقتاردى انىقتاۋ، دەر كەزىندە ءتيىستى شارا قابىلداۋ باعىتىندا وڭ اسەرىن تيگىزۋدە.
بۇدان باسقا قالادا قوعامدىق ءتارتىپ پەن قاۋىپسىزدىكتى قامتاماسىز ەتۋ جانە تازالىققا باعىتتالعان «شىمكەنت-تازا قالا» اتتى ايلىق وتكىزدى. ءىس-شارا 26 ساۋىردەن باستاپ قايتا جالعاسىن تاپتى.
اتقارىلعان جۇمىستار ناتيجەسىندە ءتارتىپ ساقشىلارى 4 ايدا 13 312 «مۇلدەم توزبەۋشىلىك قاعيداتى» بويىنشا ەكولوگيالىق قۇقىق بۇزۋشىلىق انىقتاعان. اكىمشىلىك كودەكستىڭ 434-2 بابى (ورتاق پايدالانىلاتىن ورىنداردى لاستاۋ) -1927 (2020 ج.-1138), 505-باپ (اباتتاندىرۋ قاعيدالارىن بۇزۋ) بويىنشا -3661 تۇلعاعا (2020 ج.-721) حاتتاما تولتىرىلدى.
سونىمەن قاتار، پاترۋلدىك پوليتسيا پولكى قىزمەتكەرلەرى جول جابىندىسىن لاستاعان 7724 جۇك كولىگىنىڭ جۇرگىزۋشىسىنە قاتىستى اكىمشىلىك شارالار قابىلداعان.
وسى ورايدا، تۇرعىنداردى قوقىستى رۇقسات ەتىلمەگەن جەرگە تاستاماۋعا شاقىرامىز. «شىمكەنت – تازا قالا» ستاتۋسىنا ءاربىرىمىز جاۋاپتى ەكەنىمىزدى ۇمىتپايىق!
شىمكەنت قالاسى اكىمدىگىنىڭ ءباسپاسوز قىزمەتى
