اقش پەن يزرايلدەگى بۇحار ەۆرەيلەرىنىڭ قاۋىمداستىعى وزبەك ەسترادا ءانشىسى يۋلدۋز ۋسمانوۆانىڭ پالەستينا-يزرايل قاقتىعىسىنا بايلانىستى ايتقان پىكىرىنە قارسىلىق تانىتتى، دەپ حابارلايدى «ادىرنا» ءتىلشىسى.
قاۋىمداستىق وكىلدەرى ۋسمانوۆا يزرايل حالقىنان "انتيسەميتتىك مالىمدەمەلەرى" ءۇشىن كەشىرىم سۇراۋى كەرەك دەيدى. وزودليكپەن اڭگىمە بارىسىندا ولاردىڭ كەيبىرەۋلەرى "يۋلدۋز ۋسمانوۆانى حالىق ءارتىسى اتاعىنان ايىرۋعا" شاقىردى.
وزبەكستاننىڭ حالىق ءارتىسى 13 مامىر كۇنى Instagram جەلىسىندەگى پاراقشاسىندا پالەستينا-يزرايل قاقتىعىسىنا قاتىستى پىكىرىن ءبىلدىرىپ، ءيزرايلدى «باسقىنشى» دەپ اتاعان بولاتىن. سونداي-اق ەلدى «مەملەكەت دەپ سانامايتىنىن» جەتكىزدى.
ء"يزرايلدى مەملەكەت دەپ سانامايمىن. سەبەبى ولاردىڭ وزدەرى باسقىنشىلار ەكەنىن جاقسى بىلەدى. ادام ومىرىندە ءبىر رەت قانا ولەدى. ەگەر قاجەت بولسا، ولار قوڭىراۋ شالىپ جاتسا، وندا ءبىز سوعىسقا بارامىز. قاجەت بولسا، ءبىز بىرىگەمىز. پالەستينالىقتار — ءبىزدىڭ باتىرلارىمىز. ولار بۇل جەردى كۇزەتەدى جانە كۇرەسۋدى جالعاستىرادى", –دەپ جازدى ونەر يەسى.
«ادىرنا» ۇلتتىق پورتالى
