AQŞ pen İzraildegı Būhar evreilerınıŋ qauymdastyǧy özbek estrada änşısı Iýlduz Usmanovanyŋ Palestina-İzrail qaqtyǧysyna bailanysty aitqan pıkırıne qarsylyq tanytty, dep habarlaidy «Adyrna» tılşısı.
Qauymdastyq ökılderı Usmanova İzrail halqynan "antisemittık mälımdemelerı" üşın keşırım sūrauy kerek deidı. Ozodlikpen äŋgıme barysynda olardyŋ keibıreulerı "Iýlduz Usmanovany halyq ärtısı ataǧynan aiyruǧa" şaqyrdy.
Özbekstannyŋ halyq ärtısı 13 mamyr künı Instagram jelısındegı paraqşasynda Palestina-İzrail qaqtyǧysyna qatysty pıkırın bıldırıp, İzraildı «basqynşy» dep ataǧan bolatyn. Sondai-aq eldı «memleket dep sanamaitynyn» jetkızdı.
"İzraildı memleket dep sanamaimyn. Sebebı olardyŋ özderı basqynşylar ekenın jaqsy bıledı. Adam ömırınde bır ret qana öledı. Eger qajet bolsa, olar qoŋyrau şalyp jatsa, onda bız soǧysqa baramyz. Qajet bolsa, bız bırıgemız. Palestinalyqtar — bızdıŋ batyrlarymyz. Olar būl jerdı küzetedı jäne küresudı jalǧastyrady", –dep jazdy öner iesı.
«Adyrna» ūlttyq portaly
