AQSh pen Izraıldegi Buhar evreıleriniń qaýymdastyǵy ózbek estrada ánshisi Iýldýz Ýsmanovanyń Palestına-Izraıl qaqtyǵysyna baılanysty aıtqan pikirine qarsylyq tanytty, dep habarlaıdy «Adyrna» tilshisi.
Qaýymdastyq ókilderi Ýsmanova Izraıl halqynan "antısemıttik málimdemeleri" úshin keshirim suraýy kerek deıdi. Ozodlıkpen áńgime barysynda olardyń keıbireýleri "Iýldýz Ýsmanovany halyq ártisi ataǵynan aıyrýǵa" shaqyrdy.
Ózbekstannyń halyq ártisi 13 mamyr kúni Instagram jelisindegi paraqshasynda Palestına-Izraıl qaqtyǵysyna qatysty pikirin bildirip, Izraıldi «basqynshy» dep ataǵan bolatyn. Sondaı-aq eldi «memleket dep sanamaıtynyn» jetkizdi.
"Izraıldi memleket dep sanamaımyn. Sebebi olardyń ózderi basqynshylar ekenin jaqsy biledi. Adam ómirinde bir ret qana óledi. Eger qajet bolsa, olar qońyraý shalyp jatsa, onda biz soǵysqa baramyz. Qajet bolsa, biz birigemiz. Palestınalyqtar — bizdiń batyrlarymyz. Olar bul jerdi kúzetedi jáne kúresýdi jalǵastyrady", –dep jazdy óner ıesi.
«Adyrna» ulttyq portaly
