وڭتۇستىك قازاقستاندا تۇرمىستىق زورلىق-زومبىلىقتىڭ 300 قۇربانىنا كومەك كورسەتىلدى

3436
Adyrna.kz Telegram

 "زاڭ تالابى" قۇقىق قورعاۋ ورتالىعى" قوعامدىق بىرلەستىگى اۋىلدىق جەرلەردە جانە شىمكەنتتە تۇراتىن داعدارىستاعى جاعدايداعى ايەلدەر مەن قىزدارعا قولداۋ مەن كومەك كورسەتۋ جۇيەسىن قۇردى. "اۋىل-ايماقتاردا تۇرمىستىق زورلىق-زومبىلىقتىڭ الدىن-الۋ جانە ونى جويۋ" دەپ اتالاتىن جوبا ورتالىق ازيانىڭ ەۋرازيا قورى "شەۆرون" كومپانياسىمەن سەرىكتەستىكتە جۇزەگە اسىرىپ وتىرعان"Qolda 2.0" شۇعىل كومەك باعدارلاماسى اياسىندا جاسالدى.

كومەك سۇراعان ايەلدەر مەن قىزدارعا قۇقىقتىق جانە پسيحولوگيالىق كومەك كورسەتىلەدى. سونداي-اق، + 7 747 403 40 69 سەنىم تەلەفونى مەن WhatsApp-تا 2 چات اشىلدى.

تەگىن زاڭ كومەگى جانە سوت تورەلىگىنە قول جەتىمدىلىكتى قامتاماسىز ەتۋ وتباسىلىق زورلىق-زومبىلىق قۇرباندارىنىڭ قۇقىقتارىن قورعاۋدىڭ اجىراماس بولىگى بولىپ تابىلادى. ۇيىمنىڭ زاڭگەرلەرى جوبا بەنەفيتسيارلارىنا كونسۋلتاتسيالىق جانە پسيحولوگيالىق كومەك، پروتسەسسۋالدىق قۇجاتتاردى جاساۋ، سوتتا مۇددەلەرىن ءبىلدىرۋ سياقتى كومەكتەردى ۇسىناتىن بولادى. 2020 جىلدىڭ 10 قاراشاسىنان باستاپ قازىرگى ۋاقىتقا دەيىن 176 ايەل مەن ءجاسوسپىرىم قىز زاڭ كومەگىنە جۇگىندى.

"وتباسىلىق زورلىق-زومبىلىق قۇرباندارىنا زاڭ كومەگىمەن بىرگە پسيحولوگيالىق كومەك كورسەتۋ ماڭىزدى. ۇيىمنىڭ پسيحولوگى زاماناۋي ادىستەردى قولدانادى. داعدارىستىق جاعدايدى دەر كەزىندە توقتاتۋ، جابىرلەنۋشىگە ءوزىن قاۋىپسىز سەزىنۋگە كومەكتەسۋ كەرەك. وتكەن جىلدىڭ قاراشا ايىنان باستاپ ءبىزدىڭ ۇيىمنىڭ پسيحولوگيالىق كومەگىنە 99 ايەل مەن ءجاسوسپىرىم قىز جۇگىندى."- "زاڭ تالابى" قۇقىق قورعاۋ ورتالىعى" قوعامدىق بىرلەستىگىنىڭ توراعاسى مۋراد يۋنۋسوۆ.

"اۋىل-ايماقتاردا تۇرمىستىق زورلىق-زومبىلىقتىڭ الدىن-الۋ جانە ونى جويۋ" جوباسى اياسىندا "گەندەرلىك جانە تسيفرلىق قۇقىقتار" اتتى ءبىلىم بەرۋ ترەنينگتەرى ۇيىمداستىرىلدى. بارلىعى 85 ايەلدەر مەن ءجاسوسپىرىم قىزدار گەندەرلىك ماسەلەلەر بويىنشا بىلىمدەرىن جەتىلدىرىپ، ونلاين پلاتفورمالاردى پايدالانۋ بويىنشا پراكتيكالىق داعدىلار الدى.
تۇرمىستىق زورلىق-زومبىلىق ماسەلەسىن شەشۋ ءۇشىن تۇرمىستىق زورلىق-زومبىلىق قۇرباندارىمەن عانا ەمەس، سونىمەن قاتار اگرەسسورلاردىڭ وزدەرىمەن دە جۇمىس جاساۋ كەرەك. جوبا اياسىندا اگرەسسور ەر ادامدارعا پسيحولوگيالىق كومەك كورسەتىلدى. بارلىعى 17 ەر ادام كومەككە جۇگىنگەن. قوعامدىق بىرلەستىكتىڭ پسيحولوگىنىڭ ايتۋىنشا، اگرەسسورلارمەن جۇمىس جاساۋ قيىن، پروبلەمالاردى بالا كەزىنەن ىزدەپ تابۋ كەرەك. بىراق، سوعان قاراماستان، ماماندار قوعامنىڭ وزگەرىپ جاتقانىن اتاپ ءوتتى، ويتكەنى بۇرىن پسيحولوگيالىق كومەككە جۇگىنەتىن ەر ادامدى ەلەستەتۋ قيىن بولاتىن.
سونداي-اق، جوبا اياسىندا شىمكەنت ق. مەن تۇركىستان وبلىسى بويىنشا #StopViolence اتتى اقپاراتتىق ناۋقان وتكىزىلدى. "تۇرمىستىق زورلىق-زومبىلىقتىڭ قۇربانى بولعاندارعا ارنالعان ءىس-ارەكەتتەر الگوريتمى" اتتى 2000 بۋكلەت جانە اگرەسسور ەر ادامدارعا ارنالعان"اشۋمەن قالاي كۇرەسۋگە بولادى؟" دەگەن 600 بروشيۋرالار تاراتىلدى. اقپاراتتىق ناۋقان مىنەز-قۇلىقتى وزگەرتۋ مودەلىنە نەگىزدەلگەن. وعان سايكەس ادام العان جاڭا ماعىنالى اقپارات ونىڭ مىنەز-قۇلقىن وزگەرتۋگە تۇرتكى بولادى.

قوسىمشا اقپارات بويىنشا كەلەسى تەلەفونعا حابارلاسساڭىز بولادى:
+7 (702) 505 55 00 مۋراد يۋنۋسوۆ
e-mail: zan.talabi@gmail.com

"Qolda" شۇعىل كومەك باعدارلاماسىن ورتالىق ازيانىڭ ەۋرازيا قورى "شەۆرون" كومپانياسىمەن سەرىكتەستىكتە جۇزەگە اسىپ وتىر.
ورتالىق ازيانىڭ ەۋرازيا قورى (واەق) - 2005 جىلى ايماقتا قۇرىلعان ۇكىمەتتىك ەمەس ۇيىم. واەق جەرگىلىكتى قاۋىمداستىقتاردى نىعايتۋ مەن ازاماتتىق جانە ەكونوميكالىق ءال-اۋقاتىن جاقسارتۋ ارقىلى، ازاماتتتاردىڭ ءوز بولاشاعىن قۇرۋدا بەلسەندى قاتىسۋعا كومەكتەسۋ ءۇشىن قوعامدىق جانە جەكە رەسۋرستاردى جۇمىلدىرادى.

"شەۆرون" كورپوراتسياسى - بۇل الەمدەگى ەڭ ءىرى ينتەگراتسيالانعان ەنەرگەتيكالىق كومپانيالاردىڭ ءبىرى، 100-دەن استام ەلدە ءوز جۇمىسىن اتقارادى جانە مۇناي-گاز سالاسىنىڭ بارلىق سالاسىندا جۇمىس ىستەيدى. سونىمەن قاتار، كومپانيا جاڭارتىلاتىن ەنەرگيا مەن الدىڭعى قاتارلى تەحنولوگيالاردى دامىتۋعا ينۆەستيتسيا جاسايدى. "شەۆرون" قازاقستانداعى جەتەكشى جەكە مۇناي كومپانياسى بولىپ تابىلادى جانە ەلدىڭ ەڭ ءىرى ەكى كەن ورنى - تەڭىز جانە قاراشىعاناقتا ماڭىزدى ۇلەستەرگە يە. كورپوراتسيا كاسپي قۇبىر كونسورتسيۋمىنداعى ەڭ ءىرى جەكە اكتسيونەر.

پىكىرلەر