12 جانە 30 ءساۋىر ارالىعىندا Caravan of Knowledge ءبىلىم بەرۋ ۇيىمى STEAM-ونكۇندىگىن وتكىزدى — قازاقستان رەسپۋبليكاسى ءبىلىم جانە عىلىم مينيسترلىگى مەن «شەۆرون» كومپانياسىنىڭ قولداۋىمەن مۇعالىمدەر مەن وقۋشىلارعا STEAM بىلىمىنە ارنالعان ءىس-شارالار ۇيىمداستىرىلدى.
STEAM-ونكۇندىكتىڭ تۇساۋكەسەرىنە 300-دەن استام قازاقستاندىق مۇعالىم قاتىستى. اقتوبە، قاراعاندى جانە تاراز قالالارى نازارباەۆ زياتكەرلىك مەكتەپتەرىنىڭ ۇستازدارى، سونداي-اق ءابدىروۆ اتىنداعى جالپى ءبىلىم بەرەتىن مەكتەپتىڭ (قاراعاندى قالاسى) جانە ارشالى اۋدانىنىڭ (اقمولا وبلىسى) №2 جالپى ورتا ءبىلىم بەرەتىن مەكتە مۇعالىمدەرى بەينەساباقتارىن كورسەتتى.
STEAM ادىستەرى (اعىلش. - Science, Technology, Engineering, Art, Mathematics) وقۋشىلارعا مەكتەپ پاندەرى مەن ناقتى ومىردەگى قۇبىلىستار اراسىنداعى بايلانىستى كورسەتۋگە كومەكتەسەدى، سونىمەن قاتار سىني، عىلىمي جانە ينجەنەرلىك ويلاۋدى قالىپتاستىرادى، بۇل ولاردى عىلىم، IT, ونەركاسىپ جانە باسقا دا سۇرانىسقا يە سالالارداعى مانساپقا دايىندايدى.
«ادەتتە مەكتەپ ونكۇندىكتەرى، وقۋ ورنى اياسىندا ءبىر تاقىرىپ نەمەسە ءپان بويىنشا وتكىزىلەدى، — دەيدى Caravan of Knowledge ادىسكەرى ايگەرىم ماسعۇتوۆا. — سوندىقتان ءبىزدىڭ رەسپۋبليكالىق ونكۇندىگىمىز — بىرەگەي وقيعا. ءبىز ءار ءتۇرلى مەكتەپ مۇعالىمدەرىنىڭ STEAM ارتىقشىلىقتارىن بىرگە تالقىلاپ، تاجىريبە الماسۋىن قالايمىز».
STEAM-ونكۇندىك بارىسىندا قازاقستاندىق مۇعالىمدەر وقۋ پروتسەسىندە STEAM-ادىستەمەلەردى پايدالانۋمۇمكىندىكتەرىن تالقىلادى. تانىمال نۇسقالاردىڭ ءبىرى — عىلىمي جوبالار، وندا وقۋشىلار كۇندەلىكتى ومىردەن ناقتى ماسەلەلەردى نەگىزگە الادى، ولاردى مۇعالىمدەردىڭ جەتەكشىلىگىمەن زەرتتەيدى جانە وزدەرىنىڭ ينجەنەرلىك، ديزاين-, IT- جانە باسقا دا شەشىمدەرىن ۇسىنادى. مىسالى، سۋ قويمالارىن تازارتۋعا ارنالعان سۇزگىلەر مەن قوندىرعىلار جاساۋ، ىڭعايلى مەكتەپ پارتالارىنىڭ پروتوتيپتەرىن ويلاپ تابۋ، مۇنايشىلارعا ارنالعان دالادا ەسەپتەۋلەر جۇرگىزەۋ جۇكتەمەسى گيدروپونيكاداعى وسىمدىكتەردى سۋارۋدى اۆتوماتتاندىرۋعا ارنالعان قولدانبالى باعدارلاما جاساۋ مۇمكىن.
كەلەسى STEAM قاعيداسى — كورتاقىرىپتىلىق, ونى كەز كەلگەن مەكتەپتە پەداگوگتاردىڭ بىرلەسىپ جۇمىس ىستەۋى جانە ساباقتاردى جوسپارلاۋ مەن وتكىزۋ ءۇشىن، عىلىمي جوبالاردى جۇرگىزۋ بارىسىندا جانە بىرىڭعاي ستاندارتتاردى ازىرلەۋ كەزىندە دە ىسكە اسىرۋعا بولادى. نازارباەۆ زياتكەرلىك مەكتەبىنىڭ مۇعالىمى گلەب داۆلەتگاريەۆ ءتۇرلى پاندەر اراسىنداعى ورتاق ءتۇيىسۋ جولدارىن تابۋعا كومەكتەسەتىن Practices-Content-Crosscutting مودەلىن ۇسىندى جانە وقۋشىلاردىڭ ءبىر تاقىرىپتى ءارتۇرلى سالالار ارقىلى زەرتتۋىنە مۇمكىندىك اشتى.
«مىسالى، ەگەر بيولوگيا ساباقتارىنداعى توپىراق تاقىرىبىن وندا تۇراتىن ورگانيزمدەر تۇرعىسىنان قاراستىرىپ، سودان كەيىن سىناما الىپ، توپىراق قۇرامىن ساراپتايتىن بولساق — مۇندا حيميا، باعدارلامالاۋ جانە ماتەماتيكا بويىنشا ءبىلىم قاجەت. تاقىرىپتى گەوگرافيا ساباعىندا جالعاستىرۋعا بولادى — كليمات توپىراقتىڭ پايدا بولۋىنا قالاي اسەر ەتەدى، قازاقستاندا قانداي توپىراق تۇرلەرى بار جانە ت. ب.» - دەپ تۇسىندىرەدى گلەب.
سونداي-اق، STEAM-ونكۇندىگى اياسىندا Caravan of Knowledge مۇعالىمدەر اراسىندا بەينەساباقتار بايقاۋىن, ال وقۋشىلار اراسىندا — شىعارمالار بايقاۋىن ۇيىمداستىرعان.
بىزبەن بايلانىس:
- info@caravanofknowledge.com
- +7 7714450377 (ۆيكتوريا)
Caravan of Knowledge رەسمي سايتى — https://caravanofknowledge.com/
Caravan of Knowledge الەۋمەتتىك جەلىلەردە:
- https://www.instagram.com/caravan_of_knowledge/
- https://www.facebook.com/CaravanofKnowledge.kz/
- https://t.me/caravanofknowledge
- https://www.youtube.com/channel/UCilEdQdw5kVVt1NZuIiAzGg
