12 jáne 30 sáýir aralyǵynda Caravan of Knowledge bilim berý uıymy STEAM-onkúndigin ótkizdi — Qazaqstan Respýblıkasy Bilim jáne ǵylym mınıstrligi men «Shevron» kompanııasynyń qoldaýymen muǵalimder men oqýshylarǵa STEAM bilimine arnalǵan is-sharalar uıymdastyryldy.
STEAM-onkúndiktiń tusaýkeserine 300-den astam qazaqstandyq muǵalim qatysty. Aqtóbe, Qaraǵandy jáne Taraz qalalary Nazarbaev Zııatkerlik mektepteriniń ustazdary, sondaı-aq Ábdirov atyndaǵy jalpy bilim beretin mekteptiń (Qaraǵandy qalasy) jáne Arshaly aýdanynyń (Aqmola oblysy) №2 jalpy orta bilim beretin mekte muǵalimderi beınesabaqtaryn kórsetti.
STEAM ádisteri (aǵylsh. - Science, Technology, Engineering, Art, Mathematics) oqýshylarǵa mektep pánderi men naqty ómirdegi qubylystar arasyndaǵy baılanysty kórsetýge kómektesedi, sonymen qatar synı, ǵylymı jáne ınjenerlik oılaýdy qalyptastyrady, bul olardy ǵylym, IT, ónerkásip jáne basqa da suranysqa ıe salalardaǵy mansapqa daıyndaıdy.
«Ádette mektep onkúndikteri, oqý orny aıasynda bir taqyryp nemese pán boıynsha ótkiziledi, — deıdi Caravan of Knowledge ádiskeri Áıgerim Masǵutova. — Sondyqtan bizdiń respýblıkalyq onkúndigimiz — biregeı oqıǵa. Biz ár túrli mektep muǵalimderiniń STEAM artyqshylyqtaryn birge talqylap, tájirıbe almasýyn qalaımyz».
STEAM-onkúndik barysynda qazaqstandyq muǵalimder oqý proesinde STEAM-ádistemelerdi paıdalanýmúmkindikterin talqylady. Tanymal nusqalardyń biri — ǵylymı jobalar, onda oqýshylar kúndelikti ómirden naqty máselelerdi negizge alady, olardy muǵalimderdiń jetekshiligimen zertteıdi jáne ózderiniń ınjenerlik, dızaın-, IT- jáne basqa da sheshimderin usynady. Mysaly, sý qoımalaryn tazartýǵa arnalǵan súzgiler men qondyrǵylar jasaý, yńǵaıly mektep partalarynyń prototıpterin oılap tabý, munaıshylarǵa arnalǵan dalada esepteýler júrgizeý júktemesi gıdroponıkadaǵy ósimdikterdi sýarýdy avtomattandyrýǵa arnalǵan qoldanbaly baǵdarlama jasaý múmkin.
Kelesi STEAM qaǵıdasy — kórtaqyryptylyq, ony kez kelgen mektepte pedagogtardyń birlesip jumys isteýi jáne sabaqtardy josparlaý men ótkizý úshin, ǵylymı jobalardy júrgizý barysynda jáne biryńǵaı standarttardy ázirleý kezinde de iske asyrýǵa bolady. Nazarbaev Zııatkerlik mektebiniń muǵalimi Gleb Davletgarıev túrli pánder arasyndaǵy ortaq túıisý joldaryn tabýǵa kómektesetin Practices-Content-Crosscutting modelin usyndy jáne oqýshylardyń bir taqyrypty ártúrli salalar arqyly zerttýine múmkindik ashty.
«Mysaly, eger bıologııa sabaqtaryndaǵy topyraq taqyrybyn onda turatyn organızmder turǵysynan qarastyryp, sodan keıin synama alyp, topyraq quramyn saraptaıtyn bolsaq — munda hımııa, baǵdarlamalaý jáne matematıka boıynsha bilim qajet. Taqyrypty Geografııa sabaǵynda jalǵastyrýǵa bolady — klımat topyraqtyń paıda bolýyna qalaı áser etedi, Qazaqstanda qandaı topyraq túrleri bar jáne t. b.» - dep túsindiredi Gleb.
Sondaı-aq, STEAM-onkúndigi aıasynda Caravan of Knowledge muǵalimder arasynda beınesabaqtar baıqaýyn, al oqýshylar arasynda — shyǵarmalar baıqaýyn uıymdastyrǵan.
Bizben baılanys:
- info@caravanofknowledge.com
- +7 7714450377 (Vıktorııa)
Caravan of Knowledge resmı saıty — https://caravanofknowledge.com/
Caravan of Knowledge áleýmettik jelilerde:
- https://www.instagram.com/caravan_of_knowledge/
- https://www.facebook.com/CaravanofKnowledge.kz/
- https://t.me/caravanofknowledge
- https://www.youtube.com/channel/UCilEdQdw5kVVt1NZuIiAzGg
