شىعىس قازاقستاندا ورمان ورتەنىپ جاتىر — ءورت ۇيلەرگە جايىلدى

1263

شىعىس قازاقستانداعى ريددەر قالاسىنىڭ ماڭىندا ورمان ورتەنىپ جاتىر. ءورت لەسحوز اۋىلىنداعى 14 ۇيگە جايىلدى، دەپ حابارلايدى "ادىرنا" ۇلتتىق پورتالى.

زارداپ شەككەندەر مەن جاراقات العاندار جوق. قۇتقارۋشىلار ليحاچەۆ كوشەسىنىڭ بويىنداعى ون تۇرعىندى ەۆاكۋاتسيالادى.

ء"ورتتىڭ ەپيتسەنترى ورماندا، ورمان شارۋاشىلىعى كاسىپورنىنىڭ 100-دەن استام جەكە قۇرامى جانە دحسۆكو ءورت سوندىرۋشىلەرى جانە 20-دان استام تەحنيكا جۇمىسىن جالعاستىرۋدا", دەيدى شقو ءباسپاسوز قىزمەتى.

قازىرگى ۋاقىتتا ءتىلسىز جاۋ جالماعان ورماننىڭ اۋماعى 310 گا قۇرايدى. ءورتتى سوندىرۋگە كومەكتەسۋ ءۇشىن مي-8 جانە مي-2 اۋە ورمان شارۋاشىلىعىنىڭ ەكى تىكۇشاعى كومەككە كەلىپ، 12500 تەكشە مەتر سۋ جۇمسالعان.

شقو توتەنشە جاعداي دەپارتامەنتىنىڭ الەۋمەتتىك جەلىسىندە وقيعانىڭ ۆيدەوسى جاريالاندى.

"ادىرنا" ۇلتتىق پورتالى

پىكىرلەر
ۇقساس جاڭالىقتار
باسقا ماتەريالدار