استانادا جيھاز تسەحىندا ءىرى ءورت بولدى، دەپ حابارلايدى "ادىرنا" ۇلتتىق پورتالى توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەپ.
«23 قاڭتاردا ساعات 21.20-دا استانا قالالىق تجد ءورت ءسوندىرۋ بولىمشەلەرى دۇكەنۇلى كوشەسى، 31/11س مەكەنجايىنداعى ءورت تۋرالى حابارلاما بويىنشا ارەكەت ەتتى. وقيعا ورنىنا جەتكەندە ساعات 21.26-دا جوعارىلاتىلعان رازرياد بويىنشا جيھاز جاساۋ تسەحىندا 1200 شارشى مەتر اۋماقتا جيھاز دايىندامالارى، پلاستماسسا جانە رەزەڭكە بۇيىمدارى جانىپ جاتقانى انىقتالدى»، - دەلىنگەن سارسەنبىدەگى حابارلامادا.
وقيعا ورنىندا ءورت ءسوندىرۋ شتابى قۇرىلدى.
«ءورت سوندىرۋشىلەردىڭ جەدەل جانە كەلىسىلگەن ارەكەتى ءورتتىڭ جاقىن ماڭداعى عيماراتتارعا تارالۋىنىڭ الدىن الدى. ءورت سوندىرۋشىلەر ءورتتى ساعات 22:40-تا اۋىزدىقتاپ، 23:19-دا تولىق ءسوندىردى. قۇرباندار مەن زارداپ شەككەندەر جوق. ءورتتى سوندىرۋگە استانالىق توتەنشە جاعدايلار دەپارتامەنتىنەن 93 ادام مەن 18 بىرلىك تەحنيكا، سونداي-اق اپاتتىق مەديتسينا ورتالىعىنىڭ قىزمەتكەرلەرى جۇمىلدىرىلدى»، - دەلىنگەن حابارلامادا.
