Keıbir úlkender álige deıin Stalındi Bókeıhannan áldeqaıda artyq kórip otyr

3596
Adyrna.kz Telegram
Baıqap otyrsam, keıbir úlken býynnyń kisileri Stalındi Bókeıhannan áldeqaıda jaqsy kóredi. Tipti, Bókeıhan jaıynda sóz qozǵamaıdy da, ony qurmettemeıdi de, onyń qazaqqa jasaǵan jaqsylyǵynan múldem mahrum. Aıtatyndary Stalın.
Álıhandaı arysty urpaǵyna ardaqtap, naııhattap, onyń halqy úshin jasap ketken eren eńbegi men erligin osy úlken býyn jas urpaqqa nasıhattap otyrýy kerek edi. Biraq, ókinishke oraı bulaı bolmaı otyr.
Stalın dese jan alysyp, jan berisip otyr. Stalındy qorǵaǵansha, keshegi Stalın qyryp tastaǵan 4,5 mıllıon qazaqtyń qunyn suramaıdy ma odan da... Shynymen bizdiń qazaqty ońdyrmaı tastaǵan eken. Janyn da, tánin de, rýhyn da ábden bylǵaǵan eken.
Bizde dál qazir kammýnıstter men jańa zaman urpaqtary arasynda sana qaqtyǵysy júrip jatyr. Toqtaýsyz júrip jatyr. Bul da zańdy proess. Solaı bolady da. Úlken býynnyń ábden ýlanǵan bóligi Stalınniń eteginen Quranǵa jarmasqandaı tas bolyp jarmasyp otyr. Olardyń piri Stalın.
4,5 mıllıon qazaǵyn qyryp salsa da, olardyń paıǵambary máńgige Stalın bolyp qala beredi. Sebebi, sana solaı qalyptasty.
Bekbolat QARJAN,
"Adyrna" ulttyq portaly 
Pikirler