الماتىداعى مۇحتار اۋەزوۆتىڭ ادەبي-مەموريالدىق مۋزەي-ۇيىنە جازۋشىنىڭ وسى ۋاقىتقا دەيىن جاريالانباعان حاتى تاپسىرىلدى، دەپ حابارلايدى "ادىرنا" ۇلتتىق پورتالى Abai.tv-عا سىلتەپ.
قازاق جازۋشىسى ول حاتتى 1958 جىلى قىرعىز ءجۋرناليسى ءارى باسپاگەر تۇرعىنبەك سۋۆانبەرديەۆكە جازعانى انىقتالدى.
مۋزەيدىڭ مالىمەتىنشە، تاريحي قۇجات بىشكەك قالاسىنداعى ءىسساپار بارىسىندا تابىلعان. حاتتى قىرعىز ءجۋرناليسىنىڭ قىزى چينارا سۋۆانبەرديەۆا اكەسىنە تيەسىلى «اباي جولى» رومانىنىڭ اراسىنان تاۋىپ، مۋزەي قورىنا تابىستاعان.
حاتتا مۇحتار اۋەزوۆتىڭ شىعارماشىلىق جوسپارلارى، فرۋنزە مەن ىستىقكولگە جاساعان ساپارى، سونداي-اق «سەيتەك» ەپوسىنا قاتىستى زەرتتەۋ جۇمىستارى تۋرالى مالىمەتتەر قامتىلعان.
مامانداردىڭ ايتۋىنشا، بۇل قۇجات مۇحتارتانۋ عىلىمى ءۇشىن ماڭىزدى تاريحي دەرەك سانالادى جانە جازۋشىنىڭ شىعارماشىلىق قىزمەتىن تەرەڭىرەك زەرتتەۋگە مۇمكىندىك بەرەدى.
