ماسكەۋ قالاسىنداعى ۇيلەردىڭ بىرىنە كەڭەس وداعىنىڭ باتىرى ءاليا مولداعۇلوۆانىڭ قۇرمەتىنە ەسكەرتكىش تاقتا ورناتىلدى، دەپ حابارلايدى «ادىرنا» ءتىلشىسى. بۇل تۋرالى «حابار» ارناسىنىڭ تىلشىلەرى باياندادى.
ءۇي ۆەشنياكي اۋدانىنداعى ەڭ ۇلكەن كوشەدە (ماسكەۋ قالاسى شىعىس اكىمشىلىك وكرۋگىندەگى اۋدان) ورنالاسقان.
1943 جىلى بۇل اۋداندا الەمدەگى العاشقى مەرگەندەر مەكتەبى اشىلعان ەدى. مەكتەپتىڭ العاشقى وقۋشىلارىنىڭ ءبىرى ءاليا مولداعۇلوۆا بولاتىن. ءبىراز ۋاقىتتان كەيىن ول مايداندا ەرلىكپەن قازا تابادى. قازىرگى تاڭدا ۆەشنياكي اۋدانىندا باتىر قىزدىڭ قۇرمەتىنە قويىلعان مولداعۇلوۆا جانە سنايپەرسكايا كوشەلەرى بار.
ەڭ ءبىرىنشى بولىپ ەسكەرتكىش تاقتايشانى ورناتۋ باستاماسىن جەرگىلىكتى تۇرعىندار كوتەرگەن.
«بۇل ۇيدەگى تاقتايشانى قالپىنا كەلتىرۋ تۋرالى ماسەلە تۋىنداعان كەزدە بىرنەشە كۇننىڭ ىشىندە كورشىلەردىڭ 400-دەن استام قولى جينالدى، ياعني بارلىعى ءبىراۋىزدان كەلىستى. ءاليا مولداعۇلوۆا – قازاق حالقىنىڭ قىزى. ول ءبىزدىڭ جۇرەگىمىزدە ماڭگى قالادى.
كوپتەگەن جەرگىلىكتى تۇرعىندار – ءاليا مولداعۇلوۆا اتىنداعى مەكتەپتىڭ تۇلەكتەرى. مەرگەنگە ارنالعان مۋزەي دە بار. ونى مۇعالىم ناتاليا زايتسەۆا قۇردى. ءومىرىنىڭ كوپ بولىگىن قازاق قىزىنىڭ ەرلىگىن ەسكە الۋعا ارنادى. مەرگەن مەكتەبى تۋرالى كىتاپ شىعاردى، ءاليانى ەسكە الۋعا ولەڭ ارنادى»،—دەيدى مۋنيتسيپالدىق دەپۋتات ەلەنا كاتتس.
«ادىرنا» ۇلتتىق پورتالى
