Máskeý qalasyndaǵy úılerdiń birine Keńes Odaǵynyń batyry Álııa Moldaǵulovanyń qurmetine eskertkish taqta ornatyldy, dep habarlaıdy «Adyrna» tilshisi. Bul týraly «Habar» arnasynyń tilshileri baıandady.
Úı Veshnıakı aýdanyndaǵy eń úlken kóshede (Máskeý qalasy Shyǵys ákimshilik okrýgindegi aýdan) ornalasqan.
1943 jyly bul aýdanda álemdegi alǵashqy mergender mektebi ashylǵan edi. Mekteptiń alǵashqy oqýshylarynyń biri Álııa Moldaǵulova bolatyn. Biraz ýaqyttan keıin ol maıdanda erlikpen qaza tabady. Qazirgi tańda Veshnıakı aýdanynda batyr qyzdyń qurmetine qoıylǵan Moldaǵulova jáne Snaıperskaıa kósheleri bar.
Eń birinshi bolyp eskertkish taqtaıshany ornatý bastamasyn jergilikti turǵyndar kótergen.
«Bul úıdegi taqtaıshany qalpyna keltirý týraly másele týyndaǵan kezde birneshe kúnniń ishinde kórshilerdiń 400-den astam qoly jınaldy, ıaǵnı barlyǵy biraýyzdan kelisti. Álııa Moldaǵulova – qazaq halqynyń qyzy. Ol bizdiń júregimizde máńgi qalady.
Kóptegen jergilikti turǵyndar – Álııa Moldaǵulova atyndaǵy mekteptiń túlekteri. Mergenge arnalǵan mýzeı de bar. Ony muǵalim Natalıa Zaıeva qurdy. Ómiriniń kóp bóligin qazaq qyzynyń erligin eske alýǵa arnady. Mergen mektebi týraly kitap shyǵardy, Álııany eske alýǵa óleń arnady»,—deıdi mýnııpaldyq depýtat Elena Kat.
«Adyrna» ulttyq portaly
