جاڭا قاۋلى: وقۋشىلار مەكتەپكە ورالادى

3636
Adyrna.kz Telegram

اقتوبە وبلىسىنىڭ باس سانيتار دارىگەرى وبلىستىڭ «قىزىلدان» «سارى» ايماققا وتۋىنە بايلانىستى قاۋلى شىعاردى.

جاڭا قۇجاتقا سايكەس 300 وقۋشىعا دەيىنگى قالالىق جانە اۋىلدىق مەكتەپتەردە سىنىپتاعى بالا سانىن 25-تەن اسىرماي ءداستۇرلى فورماتتا وقۋعا، سونىمەن قاتار جالپى ءبىلىم بەرۋ مەكەمەلەرىندە بارلىق سىنىپ ءۇشىن بولمەدەگى بالا سانى 25-تەن اسپايتىنداي ەتىپ ارالاس فورماتتا وقۋعا رۇقسات ەتىلدى.

سونداي-اق ساباقتىن تىس ۋاقىتتا ءبىلىم بەرۋ مەكەمەسى اكىمشىلىگىنىڭ رۇقساتى بويىنشا توپتاعى ادام سانىن 15-تەن اسىرماي وقۋشىلارعا جەكە ءبىلىم بەرۋ ساباقتارىن جۇرگىزۋگە بولادى.

جوعارعى جانە كاسىپتىك ورتا ءبىلىم بەرەتىن وقۋ ورىندارىنىڭ ءى كۋرس ستۋدەنتتەرى شتاتتىق وقۋعا قايتا ورالادى. الايدا ءبىلىم بەرۋ مەكەمەلەرىندەگى اسحانانىڭ جۇمىسىنا ءالى دە تىيىم سالىنىپ تۇر.

سانيتار دارىگەردىڭ قاۋلىسىنا سايكەس ۇلتتىق قۇراما، كلۋب كوماندالارى ءۇشىن سپورتتىق جاتتىعۋلارعا رۇقسات بەرىلدى. وبلىستىق كوماندالاردى دايارلاۋعا ارنالعان وقۋ-جاتتىعۋ جيىندارى قايتا باستالادى. بىراق سپورتشىلار مەن جاتتىقتىرۋشىلار كوروناۆيرۋسقا قارسى ۆاكتسينانىڭ تولىق كۋرسىن قابىلداعانىن راستايتىن قۇجاتتى ۇسىنۋى ءتيىس.

بۇعان دەيىن كوشەدەگى ازىق-تۇلىك ساۋداسىنىڭ سانكتسيالانعان تۇرلەرىنە جۇمىس ىستەۋگە رۇقسات ەتىلەدى. سونداي-اق بەتپە-بەت كەزدەسۋ ارقىلى جيىندار وتكىزۋگە دە بولادى.

"ادىرنا" ۇلتتىق پورتالى

پىكىرلەر