Aqtöbe oblysynyŋ bas sanitar därıgerı oblystyŋ «qyzyldan» «sary» aimaqqa ötuıne bailanysty qauly şyǧardy.
Jaŋa qūjatqa säikes 300 oquşyǧa deiıngı qalalyq jäne auyldyq mektepterde synyptaǧy bala sanyn 25-ten asyrmai dästürlı formatta oquǧa, sonymen qatar jalpy bılım beru mekemelerınde barlyq synyp üşın bölmedegı bala sany 25-ten aspaityndai etıp aralas formatta oquǧa rūqsat etıldı.
Sondai-aq sabaqtyn tys uaqytta bılım beru mekemesı äkımşılıgınıŋ rūqsaty boiynşa toptaǧy adam sanyn 15-ten asyrmai oquşylarǧa jeke bılım beru sabaqtaryn jürgızuge bolady.
Joǧarǧy jäne käsıptık orta bılım beretın oqu oryndarynyŋ I kurs studentterı ştattyq oquǧa qaita oralady. Alaida bılım beru mekemelerındegı ashananyŋ jūmysyna älı de tyiym salynyp tūr.
Sanitar därıgerdıŋ qaulysyna säikes ūlttyq qūrama, klub komandalary üşın sporttyq jattyǧularǧa rūqsat berıldı. Oblystyq komandalardy daiarlauǧa arnalǧan oqu-jattyǧu jiyndary qaita bastalady. Bıraq sportşylar men jattyqtyruşylar koronavirusqa qarsy vaksinanyŋ tolyq kursyn qabyldaǧanyn rastaityn qūjatty ūsynuy tiıs.
Būǧan deiın köşedegı azyq-tülık saudasynyŋ sanksiialanǧan türlerıne jūmys ısteuge rūqsat etıledı. Sondai-aq betpe-bet kezdesu arqyly jiyndar ötkızuge de bolady.
"Adyrna" ūlttyq portaly
Ūqsas jaŋalyqtar
