Aqtóbe oblysynyń bas sanıtar dárigeri oblystyń «qyzyldan» «sary» aımaqqa ótýine baılanysty qaýly shyǵardy.
Jańa qujatqa sáıkes 300 oqýshyǵa deıingi qalalyq jáne aýyldyq mektepterde synyptaǵy bala sanyn 25-ten asyrmaı dástúrli formatta oqýǵa, sonymen qatar jalpy bilim berý mekemelerinde barlyq synyp úshin bólmedegi bala sany 25-ten aspaıtyndaı etip aralas formatta oqýǵa ruqsat etildi.
Sondaı-aq sabaqtyn tys ýaqytta bilim berý mekemesi ákimshiliginiń ruqsaty boıynsha toptaǵy adam sanyn 15-ten asyrmaı oqýshylarǵa jeke bilim berý sabaqtaryn júrgizýge bolady.
Joǵarǵy jáne kásiptik orta bilim beretin oqý oryndarynyń I kýrs stýdentteri shtattyq oqýǵa qaıta oralady. Alaıda bilim berý mekemelerindegi ashananyń jumysyna áli de tyıym salynyp tur.
Sanıtar dárigerdiń qaýlysyna sáıkes ulttyq qurama, klýb komandalary úshin sporttyq jattyǵýlarǵa ruqsat berildi. Oblystyq komandalardy daıarlaýǵa arnalǵan oqý-jattyǵý jıyndary qaıta bastalady. Biraq sportshylar men jattyqtyrýshylar koronavırýsqa qarsy vakınanyń tolyq kýrsyn qabyldaǵanyn rastaıtyn qujatty usynýy tıis.
Buǵan deıin kóshedegi azyq-túlik saýdasynyń sankııalanǵan túrlerine jumys isteýge ruqsat etiledi. Sondaı-aq betpe-bet kezdesý arqyly jıyndar ótkizýge de bolady.
"Adyrna" ulttyq portaly
