جەلىدە وقۋشىنى ۇرعان مۇعالىمنىڭ ۆيدەوسى تارادى، دەپ حابارلايدى «ادىرنا» ۇلتتىق پورتالى.
تاياق جەگەن وقۋشىنىڭ ۆيدەوسىن بەلگىلى رەپەر جان احماديەۆ جەلىدەگى پاراقشاسىندا جاريالادى.
- اقمولا وبلىسىندا وسىنداي “پو-پونياتيەم” جۇرەتىن بانديت مۇعالىمدەر بار ەكەن، - دەپ جازعان احماديەۆ.
بەلگىلى بولعانداي، وقيعا اقمولا وبلىسى جاڭاەسىل اۋىلىنىڭ مەكتەبىندە بولعان. مۇعالىم وقۋشىنى تەمەكى تارتقانى ءۇشىن ۇرعان.
اقمولا وبلىسى پد ءباسپاسوز قىزمەتى الەۋمەتتىك جەلىدە جەلدەي ەسكەن بەينەجازبانى پوليتسيا زەرتتەگەنىن اتاپ ءوتتى.
«كەلەڭسىز جاعداي شىنىمەن جاڭاەسىل اۋىلىنداعى ورتا مەكتەپتە بولعانى راستالدى. مۇعالىمنىڭ زاڭسىز ارەكەتتەرى دەرەگى بويىنشا ماتەريال تسەلينوگراد اۋداندىق پوليتسيا ءبولىمىنىڭ اقپاراتتى ەسەپكە الۋ كىتابىندا تىركەلدى. تەكسەرىس جۇرگىزىلۋدە، سونىڭ قورىتىندىسى بويىنشا ناقتى شەشىم قابىلدانادى»، - دەپ ءتۇسىندىردى پد ءباسپاسوز قىزمەتى.
بۇل ۆيدەوعا قاتىستى جەلى وقىرماندارى ەكىگە ءبولىندى. ءبىرى مۇعالىمنىڭ ارەكەتىن جاقتاسا، ەندى ءبىرى قارسى داۋ ايتۋدا.
«ۇرسىن ولمەيدى، ايىپتىما ۇرسىن»، «قازىرگى بالالار وتە قيىن. مۇعالىمدەرگە اللا سابىر بەرسىن»، «وسىنداي مۇعالىمدەرگە زاڭ بار ما؟»، «مۇعالىمدىكى دۇرىس، جاستار قۇتىرعان قازىر»، «ءوزىمىز مۇعالىمدەردىڭ تاياعىمەن وستىك قوي»، «مۇعالىم دۇرىس تاربيەلەسىن!»، - دەپ جازدى جەلىدەگىلەر.
پوسموترەت ەتۋ پۋبليكاتسيۋ ۆ Instagram
«ادىرنا» ۇلتتىق پورتالى
