ەلىمىزدە 9 جانە 11 سىنىپ وقۋشىلارىنا ارنالعان سوڭعى قوڭىراۋ مەكتەپتە وتەدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ مالىمدەدى، دەپ حابارلايدى «ادىرنا» ۇلتتىق پورتالى.
«25 مامىردا وسى ۋاقىتقا دەيىن وففلاين وقىپ كەلگەن 9 جانە 11 سىنىپ وقۋشىلارى ءۇشىن سوڭعى قوڭىراۋ ءداستۇرلى تۇردە وتكىزىلەدى. بۇعان قوسا، 25 مامىرعا، سوڭعى قوڭىراۋعا، اتتەستاتسيا تابىستاۋعا باعىتتالعان بارلىق ءىس-شارالار سانيتارلىق نورمالاردى قاتاڭ ساقتاي وتىرىپ وتكىزىلەدى»، - دەدى ايماعامبەتوۆ.
مەكتەپ ديرەكتورلارىنا، ءبىلىم بەرۋ بولىمدەرى مەن باسقارما باسشىسىلارىنا ءبىلىم وشاقتارىنداعى شارالاردى قاۋىپسىز تۇردە وتكىزۋ تاپسىرىلدى.
"ادىرنا" ۇلتتىق پورتالى
