يزرايل 1990 جىلدارى “Harpy” اتتى درون كاميكادزەلەر ءوندىرۋدى قولعا العان. قاراپايىم موتورمەن جۇمىس ىستەيتىن، وتە شاعىن، پۆو-لاردىڭ رادارىنا ءتۇسۋ مۇمكىندىگى تومەن دروندار.
مۇنىڭ تاريحى تەرەڭدە. اراب ەلدەرىمەن سوعىستا اقش يزرايلگە پۆو رادارلارىن جاڭالىستىرۋ ءۇشىن، ورنالاسقان ورىنىن تابۋ ماقساتىندا شاعىن دروندار بەرەدى. بۇل دروندار ورتالىققا اقپارات، سيگنال بەرەتىن ماقساتتا قولدانىلادى. ارابتارمەن سوعىستا ەۆرەيلەر وسى درونداردىڭ كومەگىمەن جاۋدىڭ پۆو-سى ورنالاسقان نۇكتەنى انىقتاپ، ارتىنان ءدال سول جەردى راكەتامەن بومبالاپ، ساناۋلى كۇندە ارابتاردىڭ تۇتاس اۋە قورعانىس جۇيەسىن جويىپ جىبەرگەن.
وسى سوعىستان ساباق العان ەۆرەيلەر درونداردى جەتىلدىرىپ “Harpy” درون كاميكادزەلەردى 1990 جىلداردان باستاپ وندىرە باستايدى. بۇل دروندار جاۋدىڭ توبەسىندە ساعاتتاپ ۇشىپ، كورىنبەي، ۆيدەوعا ءتۇسىرىپ، بارلىق اقپاراتتى ورتالىققا جىبەرىپ، كوماندا بەرىلگەن نىساناعا دالدەپ ۇشىپ، دۇشپاننىڭ ميلليونداعان دوللار تۇراتىن پۆو-سىن جويۋعا ارنالعان. پۆو-سىن قيراتىپ ارتىنان ۇشاق، راكەتامەن قالاعانىنشا بومبالاي بەرەدى.
2008 جىلدارى ەۆرەيلەر “Harpy” درونىن جەتىلدىرىپ “Harop” اتتى زاماناۋي درون جاساپ شىعاردى. قاراباق سوعىسىندا وسى دروندار ىسكە جارادى. جاۋدىڭ پۆو-سى “Harop” كاميكادزە دروندارى توبىسىنە كەلىپ جارىلعاننان 3 سەكۋند بۇرىن عانا كورە العان. قارسى ارەكەت قولدانۋعا بۇل تىم از ۋاقىت.
قازىر تۇركيانىڭ ءدال وسىنداي كاميكادزە درونىندارىن ءوندىرۋ ءۇشىن “Kargi” اتتى كوپ مالىمەتتەرى قۇپيا سانالاتىن جوباسى بار. ماقساتتارى “Harop” درونىنان دا مىقتى، جىلدام ءارى ۇزاققا ۇشاتىن كاميكادزە درونىنىڭ جاڭا ءتۇرىن ءوندىرۋ.
بايقاساڭىز ەلدى قورعاۋدىڭ شارتتارى وزگەرىپ بارادى. اتپەن شاۋىپ قورعامايدى. ادام الىستان وتىرىپ، دروندى باسقارىپ، توبەڭنەن اينالىپ ۇشىپ، بار قۇپياڭدى الىپ، قاجەت دەپ تاپقان ۋاقىتىندا قالاعان جەرىڭدى بومبالايدى.
جاساندى ينتەللەكتپەن جاراقتالعان بۇل دروندار زاماناۋي قارۋ سانالادى. مىڭداعان كيلومەترگە ۇشىپ بارىپ، تەكسەرىپ، ۇشقان جەرىنە قايتا كەلەدى. جار دەسەڭ بارىپ جارادى. ەلگە قىزمەت ەتەتىن تەكتى، مىنەزدى، رۋحى مىقتى دروندار عوي. وسىعان ۇمتىلۋ كەرەك.
باۋىرجان سەرىكباەۆ،
"ادىرنا" ۇلتتىق پورتالى
