تۇركيادا توپىراق كوشكىنى ءجۇرىپ، كەنشىلەر ءۇيىندى استىندا قالدى، دەپ حابارلايدى "ادىرنا" ءتىلشىسى.
انادولى اقپارات اگەنتتىگىنىڭ ح جەلىسىندەگى پاراقشاسىندا ەرزيندجان قالاسىنداعى التىن كەنىشىندە توپىراق كوشكىنى جۇرگەنى تۋرالى اقپارات تارادى.
تۇركيا ىشكى ىستەر مينيسترلىگىنىڭ باسشىسى الي ەرليكايا دا كەنىش اۋماعىنا شاحتادان ءوندىرىلىپ جاتقان تاۋ جىنىسىنىڭ كوشكىنى جۇرگەنىن ايتتى.
“وكىنىشكە قاراي، كوشكىننەن توعىز قىزمەتكەر زارداپ شەكتى دەگەن بولجام بار”، – دەپ حابارلادى باسشى.
ىشكى ىستەر مينيسترلىگىنىڭ اقپاراتىنشا اتالعان شاحتادا 667 ادام جۇمىس ىستەيدى ەكەن.
تۇركيانىڭ ادىلەت ءمينيسترى يىلماز تۋنچ تەرگەۋ باستالعانىن حابارلادى. سونداي-اق وقيعا ورنىنا 400 قۇتقارۋشى جىبەرىلگەن.
ەسكە سالا كەتەيىك، 8 اقپان كۇنى الماتىداعى مەدەۋ اۋدانى تاۋ-سامال شاعىناۋدانىندا كوشكىن ءجۇرىپ، ەكى تۇرعىن ۇيگە زاقىم كەلگەن بولاتىن. لاي كوشكىنى سالدارىنان ءبىر وتباسىنىڭ ءتورت مۇشەسى قازا تاپتى.
