«الاتاۋ» ءداستۇرلى ونەر تەاترىنىڭ ۇجىمى «بالالارعا كۇلكى سىيلادى!»

3183
Adyrna.kz Telegram

بۇگىن «الاتاۋ» ءداستۇرلى ونەر تەاترىندا 1-ماۋسىم حالىقارالىق بالالار كۇنىنە ارنالعان «بالالارعا كۇلكى سىيلايمىز!» اتتى ءىس-شارا ءوتىپ، تەاتردىڭ كينوزالىندا مۋلتيپليكاتسيالىق ءفيلمنىڭ قايىرىمدىلىق كورسەتىلىمى بولدى.

dsc_0801

  الماتى قالاسى رەسپۋبليكالىق دوستىق ءۇيى جۇمىسىن قامتاماسىز ەتۋ قىزمەتى، «الاتاۋ» ءداستۇرلى ونەر تەاترى، الماتى قالاسى رەسپۋبليكالىق ەتنومادەني بىرلەستىكتەرى ۇيىمداستىرعان ءىس-شاراعا قحا توراعاسىنىڭ ورىنباسارى حامەدوۆ ا.م.، قحا مۇشەلەرى، رەسپۋبليكالىق ەتنومادەني بىرلەستىكتەردىڭ جەتەكشىلەرى مەن مۇشەلەرى، ەمب جاستارى، «ءۇمىت» بالالار ءۇيىنىڭ تاربيەلەنۋشىلەرى، №9 مامانداندىرىلعان (تۇزەتۋ) مەكتەپ-ينتەرناتىنىڭ تاربيەلەنۋشىلەرى،  پسيحونەۆرولوگيالىق اۋرۋلارعا شالدىققان مۇگەدەك بالالاردى بەيىمدەۋ ورتالىعىنىڭ بۇلدىرشىندەرى، «ساليقالى ۇرپاق» پانسيوناتىنىڭ تاربيەلەنۋشىلەرى،  رەسپۋبليكالىق ەتنومادەني بىرلەستىكتەردىڭ بالالارى قاتىستى.

dsc_0883

تەاترىمىزدا وتكىزىلەتىن قايىرىمدىلىق كورسەتىلىمدەرگە ۇنەمى قولداۋ بىلدىرەتىن «قازاقستاندىق دۇنعان قوعامى» قوعامدىق بىرلەستىگى بۇل جولعى ءىس-شاراعا دا بەلسەندى قاتىسىپ، دەمەۋشىلىك كورسەتتى. اتالعان بىرلەستىك توراعاسى ابۋباكير ۆايسىروۆيچ بالالاردى مەركەلەرىمەن قۇتتىقتاي وتىرىپ، الداعى ۋاقىتتا دا قايىرىمدىلىق شارالارعا ات سالىسۋعا نيەتتى ەكەندىكتەرىن ءبىلدىردى. ءوز كەزەگىندە تەاترىمىزدىڭ ديرەكتورى م. ا. ماقسات ماراتبەكۇلى دا مەرەكەمەن بۇلدىرشىندەردى جانە اتا-انالاردى قۇتتىقتاپ، ءىس-شاراعا قولداۋ بىلدىرۋشىلەرگە ارنايى العىس حاتتار تابىس ەتتى.

بالالارعا كوتەرىڭكى كوڭىل-كۇي سىيلاۋ ماقساتىندا توسىن سىيلار مەن تاتتىلەر تاراتىلىپ، «كوڭىلدى مەكەن – بالالىق» اتتى اسفالت بەتىنە سالىنعان سۋرەتتەر سايىسى ۇيىمداستىرىلدى.

dsc_0866

الاتاۋدىڭ باۋرايىندا، اسەم الماتىعا ەركەلەي ورنالاسقان ونەر ورداسىنىڭ الدىنداعى كەڭ الاڭ، تازا اۋا، تۇما تابيعات مەرەكەلىك ءىس-شارانىڭ جوعارى دەڭگەيدە وتۋىنە سەپتىگىن تيگىزدى. ال، قىزىقتى باعدارلاماعا قۇرىلعان كونتسەرت كورىپ، اسفالت بەتىنە سۋرەت سالعان، توسىن سىيلار مەن تاتتىلەر العان بالالاردىڭ جۇزىنەن قۋانىش لەبى ەسىپ تۇردى.

 

مۇمكىندىگى شەكتەۋلى جاندارعا، بالالار مەن قارتتارعا ارناپ ۇنەمى قايىرىمدىلىق كورسەتىلىمدەر  ۇيىمداستىراتىن تەاتر ءۇجىمى بۇگىن تاعى ءبىر ءىستىڭ باسىن قايىردى. وسىنداي كوڭىلدى ءوسىرىپ، جۇرەككە جىلۋ ۇيالاتاتىن شارالار الداعى ۋاقىتتا دا جالعاسىن تاباتىنىنا سەنىمىمىز مول.


ءمولدىر بەكجان

پىكىرلەر