دەگەنمەن ءبىز اۆستراليا ەمەسپىز. بىراق ءبىزدىڭ ەلدىڭ دە سىرتقى ساياساتتا وزىمىزگە لايىق ساياسي امبيتسيامىز بەن ناقتى ۇستانىمىمىز بولۋى كەرەك. ونسىز بولمايدى. جالتاقتاۋ، جالباقتاۋدىڭ دا كەرەگى جوق. قازاقستان ازاماتتارىن الاڭداتقان سياقتى، دۇنيەنىڭ كوپشىلىك ەلدەرىن الاڭداتىپ وتىرعان قىتايدى ەكونوميكالىق ساياساتىنا اۆستراليا وكىمەتى قارسى شارا قولدانىپ، ينۆەستيتسياسىنا توسقاۋىل قويىپ جاتىر.
بۇل اۆستراليانىڭ پرەمەر-ءمينيسترى سكوتت مورريسوننىڭ تىكەلەي بۇيرىعىمەن ىسكە استى. ونىڭ ايتۋىنشا، بۇل ەل شارا ۇكىمەتىنىڭ ەلدىڭ ۇلتتىق قاۋىپسىزدىگى ءۇشىن بارعان ماڭىزدى قادامى بولىپتى. دەگەنمەن دۇرىس شەشىم.
مىسالى، نيۋكاسل پورتىن قىتاي كونسورتسيۋمىنا 2014 جىلى $1,75 ملرد دوللارعا 98 جىلعا ارەنداعا بەرگەن. بۇل پورتتا قىتايلىق ينۆەستورلار اۆستراليانىڭ كومىر ءوندىرىسىن ىسكە اسىرعان. ەندى ونى قايتارىپ الدى.
ەكىشنىسى، دارۆين پورتى. بۇل پورتتى دا قىتايلىق Landbridge Group ينۆەستورلار توبى 99 جىلعا كومىر ءوندىرىسىن ىسكە اسىرۋ ماقساتىندا العان. ول ءۇشىن $506 ميلليون دوللار ارەندا تولەگەن. اۆسترالياداعى كومىر ءوندىرىسى قىتايلىق ينۆەستورلار ءۇشىن وتە قولايلى ينۆەستيتسيالىق تابىس كوزى بولعان.
ەندى اۆستراليانىڭ فەدەرالدى وكىمەتى پورتتاردى وزىنە بىرىنەن سوڭ ءبىرىن قايتارىپ جاتىر. قازىر كامبەررا مەن پەكيننىڭ اراسىنداعى ديپلوماتيالىق جانە ەكونوميكالىق قارىم-قاتىناس ناشارلاپ كەتتى. اۆسترالياعا تەحنولوگيالىق ونىمدەردى ەكسپورتتاۋدى قىتاي تاراپى توقتاتىپ تاستادى. ەكى ەلدىڭ اراسىنداعى ەكونوميكالىق تاۋار اينالىمى 2019 جىلى $104 ملرد دوللارعا دەيىن جەتكەن ەكەن. بۇدان كەيىنگى ۋاقىتتاردا بۇل رەيتينگ تومەندەيدى دەپ جاتىر ەكونوميكالىق ساراپشىلار.
ەڭ قىزىعى اۆستراليا تاراپى قىتايدىڭ 5G تەحنولولوگياسىن ەلىنە مۇلدەم كىرگىزبەيتىن بولىپ شەشىم شىعاردى. سەبەبى، 5G تەحنولوگياسى اۆستراليا وكىمتەتىنىڭ ويىنشا، ەلدىڭ ۇلتتىق قاۋىپسىزدىگىنە وراسان زيان كەلتىرەدى. بۇل ەندى وتە دۇرىس شەشىم دەپ ويلايمىن.
بەكبولات قارجان،
"ادىرنا" ۇلتتىق پورتالى
