قىرعىز رەسپۋبليكاسىنىڭ باس پروكۋراتۋراسى تاجىكستاننىڭ اسكەري كۇشتەرى جەرىمىزدى باسىپ الۋ ءۇشىن قىرعىزستانعا وپاسىزدىقپەن باسىپ كىردى دەگەن مالىمدەمە جاسادى، دەپ حابارلايدى “ادىرنا” ۇلتتىق پورتالى.
قىرعىز رەسپۋبليكاسىنىڭ باس پروكۋراتۋراسى تاجىك اسكەريلەرىن بەيبىت تۇرعىنداردى قىرعىنعا ۇشىراتتى دەپ ايىپتادى. سونداي-اق اسكەري وپەراتسيانى تاجىك تاراپى جوسپارلاعان دەپ مالىمدەدى.
«2021 جىلى 29 ساۋىردە ساعات 04:40 شاماسىندا باتكەن وبلىسى، باتكەن اۋدانى كوك-تاش اۋىلىنىڭ كوچو-بويۋ ۋچاسكەسىندە باتكەن اۋدانىنىڭ جەرگىلىكتى تۇرعىندارى مەن تاجىكستان رەسپۋبليكاسىنىڭ ازاماتتارى اراسىندا قاقتىعىس بولدى. تاجىك ازاماتتارىنىڭ ارانداتۋىمەن ورىن العان.
تاجىكستاننىڭ اسكەري قىزمەتكەرلەرىنىڭ قارۋلى شابۋىلىنىڭ ناتيجەسىندە، قىرعىز رەسپۋبليكاسىنىڭ اسكەري قىزمەتكەرلەرى مەن بەيبىت تۇرعىندارى اتىستان ءارتۇرلى جاراقات الدى. ولاردىڭ اراسىندا قازا تاپقاندار دا، زاقىمدانعاندار دا بار. ولار قىرعىزستاننىڭ كوپتەگەن ازاماتتىق جانە اسكەري نىساندارىن قيراتتى.
تاجىكستان رەسپۋبليكاسىنىڭ اسكەري قىزمەتشىلەرىنىڭ جوعارىدا اتالعان ارەكەتتەرى قىرعىز رەسپۋبليكاسىنىڭ ەگەمەندىگى مەن تۇتاستىعىنا قارسى الدىن-الا جوسپارلانعان ارانداتۋشىلىق.
تاجىك اسكەري قىزمەتشىلەرىنىڭ ءىس-ارەكەتتەرى جوسپارلى تۇردە، قارۋلى اگرەسسياعا دايىندىقپەن وعان قاتىسىپ، حالىقارالىق شارتتار مەن كەلىسىمدەردى بۇزدى. اگرەسسيۆتى سوعىس جۇرگىزۋدى كوزدەپ وتىر ».
سوتقا دەيىنگى ءىس جۇرگىزۋدى تەرگەۋ ۇلتتىق قاۋىپسىزدىك مەملەكەتتىك كوميتەتىنىڭ، ىشكى ىستەر مينيسترلىگىنىڭ جانە قىرعىز رەسپۋبليكاسىنىڭ اسكەري پروكۋراتۋراسىنىڭ ۆەدومستۆوارالىق تەرگەۋ توبىنا تاپسىرىلدى.
”ادىرنا” ۇلتتىق پورتالى
