پاۆلودار. ورتالىق مونشا. پاردان شىعىپ، باردا وتىر ەدىك. قاسىما ەكى جىگىت كەلدى.
-اسسالاۋماعالەيكۋم اعا!
-ۋاعالەيكۋماسسالام! مولدا بول.
-اعا، ءسىزدى جاڭا جىگىتتەر ۆوەنكور دەدى. ايتاتىن اڭگىمەم بار ەدى.
- مەن جۋرناليستپىن. ۆوەننىي كوررەسپوندەنت ەمەسپىن. بىراق، اڭگىمەلەرىڭدى تىڭداۋعا ىقىلاستىمىن.
رەسەيدىڭ التاي ولكەسىنىڭ قازاقتارى ەكەن. مىنا سوعىس از ۇلتتارعا زوبالاڭ بولدى دەيدى. سەگىز-اق ءۇيى بار كورشى اۋىلدا 14 مولا جاڭادان قازىلىپتى.
"مەنىڭ تۋعان باۋىرىمنىڭ قىرقى ءالى وتكەن جوق. گرۋز-200 بولىپ كەلدى. ءبىزدىڭ اۋىل ءۇشىن ءبىرىنشى كەلگەن گرۋز-200 بولدى. وسى كۇنگە دەيىن اۋىلداعىلار رەسەي مىقتى ما، ۋكراينا مىقتى ما دەپ داۋلاساتىن. سوعىستى تالقىلايتىن. مەنىڭ باۋىرىمنىڭ ءمايىتى كەلگەلى بۇكىل اۋىل اۋزىن اشپايتىن بولدى. ۇندەمەيدى. توي-تومالاق، اس-قاتىمدا ول جايلى ءسوز قوزعامايدى. اينالىپ وتەدى. ماڭايدا قارا قاعاز العاندار كوبەيدى. ءبىر جاعىنان جۇمىسسىزدىق تا قىسىپ بارادى. اقشا تابامىز دەپ كەلىسىم-شارتقا قول قويىپ، ۋكرايناعا كەتىپ جاتىر. سوعىس باستالعان بەتتە موبيليزاتسيا بولاتىنىن بىلگەندەر بۇتا قورعالاعان تورعايداي قازاقستانعا ءوتىپ الدى. اكە-شەشەم ەرتە كەزدە كوشەيىك دەگەندە تۋعان جەر دەپ كەتپەپ ەدىك. ەندى جالعىز باۋىرىمنىڭ مولاسىن دالاعا قالدىرىپ قالاي كوشەمىن" دەگەن جىگىتتىڭ كوزىنە جاس ىركىلدى.
قازىر اۋىلىنىڭ جاستارىن پاۆلودارعا اكەپ، جۇمىسقا ورنالاستىرىپ جۇرگەن جىگىتكە ءبىر جاعىنان ريزا بولدىم.
ء"بىزدى جەرگىلىكتى قازاقتار جاقتىرا قويمايدى. ءپۋتيندى قولدايسىڭدار دەپ. ءبارىبىر قازاقپىز عوي. قان بار. ۇرىسسا دا، ۇرسا دا رەسەيدەگىدەي ولىمگە ايداپ جاتقان جوق قوي" دەگەندە مەنىڭ جىلاعىم كەلدى. قان دەگەن مارگانتسوۆكا ەمەس قوي!
وڭعار قابدەن
