رۋاندا كونگو دەموكراتيالىق رەسپۋبليكاسىنا شابۋىل جاسادى، دەپ حابارلايدى "ادىرنا" ۇلتتىق پورتالى.
رۋاندا كونگو دەموكراتيالىق رەسپۋبليكاسىنا شابۋىل جاساپ، سولتۇستىك كيۆۋ پروۆينتسياسىنداعى گوما قالاسىن M23 توبىنىڭ كوتەرىلىسشىلەرى باسىپ الدى. وسى وقيعاعا بايلانىستى رۋاندا ءوز قاتىسىن جوققا شىعارىپ، تۋتسي كوتەرىلىسشىلەرى حۋتۋلاردان قورعانۋ ءۇشىن سوعىسىپ جاتقانىن مالىمدەدى.
بۇۇ-نىڭ ەسەپتەرىنە سايكەس، M23 توبىنىڭ كوتەرىلىسشىلەرى قۇرامىندا رۋاندالىق ارميانىڭ تۇراقتى بولىمشەلەرى سوعىسىپ جاتىر. الايدا رۋاندا بۇل ايىپتاۋلاردى رەسمي تۇردە جوققا شىعاردى. قاقتىعىستاردىڭ ۇلعايۋى ايماقتا گۋمانيتارلىق اپاتقا اكەلىپ، ميلليونداعان بوسقىنداردىڭ پايدا بولۋىنا، قاۋىپتى اۋرۋلاردىڭ تارالۋىنا سەبەپ بولۋى مۇمكىن.
سولتۇستىك كيۆۋ ايماعى 20 جىلدان استام ۋاقىت بويى كوتەرىلىسشىلەر مەن ۇكىمەت اسكەرى اراسىنداعى قاقتىعىستاردىڭ ورتالىعى بولىپ كەلەدى. بۇل قاقتىعىس 1994 جىلعى رۋانداداعى گەنوتسيد پەن ونىڭ سالدارىنان تۋعان بوسقىنداردىڭ ارەكەتتەرىنەن باستالعان.
2009 جىلى بەيبىت كەلىسىمدەر جاسالىپ، قارۋلى قاقتىعىستار توقتاعانىمەن، ايماقتاعى شيەلەنىس ءالى دە جالعاسىپ كەلەدى.
