Qyrǵyz Respýblıkasynyń Bas prokýratýrasy Tájikstannyń áskerı kúshteri jerimizdi basyp alý úshin Qyrǵyzstanǵa opasyzdyqpen basyp kirdi degen málimdeme jasady, dep habarlaıdy “Adyrna” ulttyq portaly.
Qyrǵyz Respýblıkasynyń Bas prokýratýrasy tájik áskerılerin beıbit turǵyndardy qyrǵynǵa ushyratty dep aıyptady. Sondaı-aq áskerı operaııany tájik tarapy josparlaǵan dep málimdedi.
«2021 jyly 29 sáýirde saǵat 04:40 shamasynda Batken oblysy, Batken aýdany Kók-Tash aýylynyń Kocho-Boıý ýchaskesinde Batken aýdanynyń jergilikti turǵyndary men Tájikstan Respýblıkasynyń azamattary arasynda qaqtyǵys boldy. Tájik azamattarynyń arandatýymen oryn alǵan.
Tájikstannyń áskerı qyzmetkerleriniń qarýly shabýylynyń nátıjesinde, Qyrǵyz Respýblıkasynyń áskerı qyzmetkerleri men beıbit turǵyndary atystan ártúrli jaraqat aldy. Olardyń arasynda qaza tapqandar da, zaqymdanǵandar da bar. Olar Qyrǵyzstannyń kóptegen azamattyq jáne áskerı nysandaryn qıratty.
Tájikstan Respýblıkasynyń áskerı qyzmetshileriniń joǵaryda atalǵan áreketteri Qyrǵyz Respýblıkasynyń egemendigi men tutastyǵyna qarsy aldyn-ala josparlanǵan arandatýshylyq.
Tájik áskerı qyzmetshileriniń is-áreketteri josparly túrde, qarýly agressııaǵa daıyndyqpen oǵan qatysyp, halyqaralyq sharttar men kelisimderdi buzdy. Agressıvti soǵys júrgizýdi kózdep otyr ».
Sotqa deıingi is júrgizýdi tergeý Ulttyq qaýipsizdik memlekettik komıtetiniń, Ishki ister mınıstrliginiń jáne Qyrǵyz Respýblıkasynyń Áskerı prokýratýrasynyń vedomstvoaralyq tergeý tobyna tapsyryldy.
”Adyrna” ulttyq portaly
