باۋىرجان سەرىكباەۆ: ءبىز عاسىرلار بويى نەگە ۇتىلدىق: اتپەن تۋ ۇستاپ شابۋ كومەكتەسپەيدى

5385
Adyrna.kz Telegram

وتكەن اپتادا بەسپيلوتنيك “Akinci” تەست سىناعىنان ءوتتى. رەسەيدىڭ “پانتسير” اۋە قورعانىس جۇيەسىن تالقاندادى. سالماعى 5,5 توننا بولاتىن، 1300كگ بومبالاۋشى راكەتالاردى الىپ ۇشاتىن بۇل بەسپيلوتنيك قاراباقتا قولدانىلعان “Bayraktar TB2” بەسپيلوتنيگىنەن تەحنيكالىق مۇمكىندىگى الدەقايدا جەتىلدىرىلگەن قارۋدىڭ زاماناۋي ءتۇرى. ء“پانتسيردى” بومبالاۋدا تۇركيانىڭ باسقا ءبىر كومپانياسى “Roketsan” جاساپ شىعارعان راكەتالار قولدانىلعان.

ايتا كەتۋ كەرەك قاراباق سوعىسىندا “Bayraktar TB2” بەسپيلوتنيكتەرى سوعىستىڭ العاشقى 24 كۇنىندە ارمەنيانىڭ 114 تانكىسىن جويىپ جىبەرگەن. قاراباق سوعىسىندا ارمەنيانىڭ جالپى سانى 44 بروندى ترانسپورتى، 141 ارتيللەريا قارۋى، 249 اركەري كولىكتەرى مەن 44 اسكەري قويمالارى “Bayraktar TB2” تاراپىنان جويىلعان.

44 كۇنگى سوعىستا جالپى سانى 9 “Bayraktar TB2” بەسپيلوتنيگى اتىپ تۇسىرىلگەن. ايىرماشىلىق كورىنىپ تۇر.

XXI عاسىردا سوعىس تاكتيكاسى وزگەرىپ جاتىر. حالىقارالىق ساياساتتا تۇركيا سىندى جاڭا ايماقتىق دەجاۆالار پايدا بولۋدا. ويىن شارتتارى وزگەرۋدە. مۇنىڭ ءبارى كوپ ەلدەردى اسكەري دوكترينالارىن قايتا قاراۋعا، زاماناۋي قارۋلارمەن جاراقتانۋعا يتەرمەلەۋدە. قازىر تۇركيامەن بەسپيلوتنيكتەر ساتىپ الۋعا ۋكراينا، ساۋد-ارابياسى سىندى الىس-جاقىن ەلدەر كەلىسىمگە كەلۋدە.

بىزگە دە ويلانۋ كەرەك شىعار. الەمنىڭ توعىزىنشى تەرريتورياسىن قورعايتىن زاماناۋي قارۋدىڭ ءبىر بولىگىن ءوزىمىز دە شىعارۋىمىز قاجەت قوي. كوپۆەكتورلى ساياسات تا بۇگىن جاراعانىمەن ەرتەڭ شارتتار وزگەرۋى مۇمكىن. “قازاققا تيسەڭ وزىڭە دە وڭاي بولمايدى” دەگەن دەڭگەيگە كەلمەي بولمايدى. ءبىر جاعداي بولسا اتپەن تۋ ۇستاپ شاپقانىمىز كومەكتەسپەيدى عوي ەندى. اتپەن جەردى قورعايمىز دەپ XVIII عاسىردا بابالارىمىز دا زەڭبىرەككە قارسى شاپتى. جەڭىلدى. قازىر تەمبولەە جىلقىمەن شابۋ كومەكتەسپەيتىن عاسىردامىز. تاريحتان قورىتىندى شىعارۋ قاجەت. نەگە بودان بولدىق، نە ءۇشىن ۇتىلدىق دەگەن دۇرىس، رەالي سۇراقتار قويىلۋى ءتيىس. ء“بىز مىقتىمىز” دەگەن جالعان ۇران مەن اناۋ دا مىناۋ رومانتيكالىق اڭگىمەلەردى قويۋ كەرەك بىزگە. بالا قوعامنىڭ اڭگىمەسىن ايتىپ وسى ۋاقىتقا دەيىن بالا بولعانىمىز دا جەتەر ەندى.

باۋىرجان سەرىكباەۆ

پىكىرلەر