NASA بەلگىسىز ۇشاتىن نىسانداردى انىقتاۋعا قىزىعۋشىلىق تانىتۋدا

2200
Adyrna.kz Telegram
ءيلليۋستراتيۆتى فوتو
ءيلليۋستراتيۆتى فوتو

ۇلتتىق اەروناۆتيكا جانە عارىش كەڭىستىگىنىڭ (NASA) باسشىسى بيلل نەلسون بەلگىسىز ۇشاتىن نىسانداردى (بۇن) زەرتتەۋ بويىنشا جۇمىستى جالعاستىرۋعا مۇددەلى، دەپ حابارلايدى "ادىرنا" ۇلتتىق پورتالى Lenta.ru-عا سىلتەمە جاساپ.

نەلسون عارىش سالاسىنداعى جوعارى لاۋازىمدى شەنەۋنىكتەردىڭ ەشقايسىسى اقش اسكەري-تەڭىز كۇشتەرىنىڭ ۇشقىشتارى بايقاعان وبەكتىلەردىڭ ناقتى نە ەكەنىن بىلمەيتىندىگىن اتاپ ءوتتى. ونىڭ پىكىرىنشە،  بۇن - كەلىمسەكتەردىڭ جەرگە كەلۋىنىڭ دالەلى ەمەس. سونىمەن بىرگە NASA باسشىسى مۇنداي مۇمكىندىكتى جوققا شىعارۋدىڭ ەرتە ەكەنىن مويىندادى.

ء"بىز ولار كەلىمسەكتەر مە، بىلمەيمىز. ءبىز ولاردىڭ جاۋ ەكەنىن دە بىلمەيمىز. ءبىز بۇل وپتيكالىق قۇبىلىس دەپ ويلامايمىز، ويتكەنى تەڭىز ۇشقىشتارى بەرگەن سيپاتتامالارعا بايلانىستى... بىراق ءبىز ولار جايلى بىلگىمىز كەلەدى", - دەدى ول.

ءباسپاسوز حاتشىسى دجەكي ماكگيننەسستىڭ ايتۋىنشا، نەلسون بۇل قۇبىلىستاردى زەرتتەۋ ءۇشىن ارنايى جەدەل توپ قۇرعان جوق، بىراق زەرتتەۋشىلەرگە ولار قاجەت دەپ تاپقان تاقىرىپ بويىنشا كەز-كەلگەن سۇراقتاردى زەرتتەۋدى تاپسىردى.

NASA بۇل ماسەلەدە اقش قورعانىس مينيسترلىگىمەن تىكەلەي جۇمىس جاسامايتىنىن اتاپ ءوتتدى. الايدا، ەگەر اگەنتتىك قىزمەتكەرلەرى نىسانداردى انىقتاۋدا ءساتتى جۇمىس جاساسا، وندا «بۇل تۋرالى پەنتاگون بىلەتىن بولادى».

"ادىرنا" ۇلتتىق پورتالى

پىكىرلەر