شىمكەنتتىك ستۋدەنت - رەسپۋبليكالىق جوبا جەڭىمپازى

2766
Adyrna.kz Telegram

شىمكەنتتىك ستۋدەنت داستان ومىرزاق – «قر كوللەدجدەرىنىڭ توپ 100 ستۋدەنتى» رەسپۋبليكالىق جوباسىنىڭ جەڭىمپازى.

ءبىلىم جانە عىلىم مينيسترلىگى 2020 جىلدىڭ قورىتىندىسى بويىنشا كوللەدج شاكىرتتەرىنىڭ اراسىندا رەسپۋبليكالىق جوبانى ۇيىمداستىرعان بولاتىن. جوبانىڭ ماقساتى – ءار ءوڭىردىڭ ۇزدىك ستۋدەنتتەرىن انىقتاۋ.

اتالمىش جوباعا قاتىسۋ ءۇشىن شاكىرتتەر 3 ىرىكتەۋ كەزەڭىنەن وتكەن. ءبىرىنشى كوللەدج ىشىلىك بولسا، كەيىننەن ايماقتىق دەڭگەيدە دە سىنالدى. ال رەسپۋبليكالىق كەزەڭگە جەتكەندەر ونلاي داۋىس بەرۋ ارقىلى انىقتالعان.

داستان قازىرگى تاڭدا م.وتەباەۆ اتىنداعى جوعارى جاڭا تەحنولوگيالار كوللەدجىندە «عيماراتتار مەن قۇرىلىمداردى سالۋ جانە پايدالانۋ» ماماندىعى بويىنشا 4 كۋرستا ءبىلىم الۋدا. كاسىبي بىلىكتىلىكتەرىن ۇنەمى جەتىلدىرىپ جۇرگەن بولاشاق مامان. پليتكا جاپسىرۋ، سىلاق جۇمىستارىن ءىس-تاجىريبەدە وتە ساپالى، ۇقىپتى ورىندايدى.

قالالىق WorldSkills چەمپيوناتىندا «پليتكا قاپتاۋ» قۇزىرەتتىلىگى بويىنشا جەڭىمپاز اتانعان. كوللەدجىشىلىك دەبات، ەرىكتىلەر كلۋبىنىڭ بەلسەندى مۇشەسى. جاۋاپتى، العىر بولاشاق مامان ستۋدەنتتەردى ءىس-تاجىريبەدەن وتكىزەتىن الەۋمەتتىك سەرىكتەستەر تاراپىنان دا جوعارى باعاعا يە بولدى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر