شىمكەنت قالاسىنداعى 81 تۇرعىن الابتىڭ 65-ءى ساپالى ەلەكتر قۋاتىمەن قامتىلعان. بيىل 10 تۇرعىن الابىندا ەلەكتر جەلىلەرىنىڭ قۇرىلىسى پايدالانۋعا بەرىلىپ، 21 مىڭنان استام ادام ساپالى ەلەكترمەن قامتاماسىز ەتىلەدى. قامتۋ كورسەتكىشىن 97 پايىزعا جەتكىزۋ جوسپارلانىپ وتىر. بۇل جۇمىستارعا رەسپۋبليكالىق جانە جەرگىلىكتى بيۋدجەتتەن 12 ملرد. تەڭگە قارجى قارالعان.
وسى جىلى ياعني، قالاداعى اقجار، جالىن، دوستىق، جاڭاتالاپ، قاينار بۇلاق، سولتۇستىك ساياجاي، ىنتىماق، ايكول، يگىلىك جانە تاۋەلسىزدىككە 20 جىل تۇرعىن الابتارىندا ەلەكتر جەلىسىنىڭ قۇرىلىسى جۇرگىزىلەدى. سونىمەن بىرگە قۋاتتىلىعى 220 كۆ «بوزارىق» قوسالقى ستانتسياسى مەن ارقايسىسىنىڭ قۋاتى 110 كۆ بولاتىن «اقجار» جانە «1-م-1» قوسالقى ستانتسيالارى سالىنۋدا.
قالانى ۇزدىكسىز ەلەكتر ەنەرگياسىمەن قامتۋ ماقساتىندا 2022-2025 جىلدارى 4 قوسالقى ستانتسياسىن سالۋ جوسپارلانعان. ونىڭ ىشىندە 110 كۆ «ىنتىماق»، ارقايسىسى 220 كۆ «قىزىلسۋ»، «يۋجنىي» جانە «ۆل» قوسالقى سانتسياسىن سالۋ مەملەكەتتىك-جەكەشەلىك ارىپتەستىك اياسىندا قاراستىرىلىپ وتىر. وسىلايشا، 2025 جىلى قالا تۇرعىندارىن 100 پايىز ساپالى ەلەكتر قۋاتىمەن قامتۋ كوزدەلۋدە.
شىمكەنت قالاسى اكىمدىگىنىڭ ءباسپاسوز قىزمەتى
