شىمكەنت قالاسىنىڭ 90 جاستاعى تۇرعىنى قۋانىش ءابدىراحمانوۆ ءوز ەركىمەن جەرگىلىكتى تىركەلگەن ەمحاناسىنا كەلىپ، كوۆيدكە قارسى ۆاكتسينا سالدىردى.
ءبىر عاسىرعا جۋىق ءومىر سۇرگەن قاريا – شىمكەنت قالاسىنىڭ قۇرمەتتى ازاماتى. الەمدەگى جاعدايدان كۇندەلىكتى حاباردار بولىپ وتىرعان قارت كىسى ۆاكتسينا قابىلداۋدى ءجون كورگەن.
ەكپەدەن الدىن قاريانى دارىگەرلەر تەكسەرۋدەن وتكىزگەن. قارسى كورسەتىلىمدەر بولماعاندىقتان، «سپۋتنيك-V» ۆاكتسيناسىنىڭ ءى-كومپونەنتىن سالىپ بەردى.
– ويلانا كەلە ءوز ەركىممەن ۆاكتسينا ۆاكتسينا سالدىرۋعا شەشىم قابىلدادىم. ءبىز ۆيرۋستى وسىلاي جەڭەمىز. كوپشىلىككە ۆاكتسينادان قورقۋدىڭ قاجەتى جوق ەكەنىن ايتقىم كەلەدى، – دەيدى قاريا.
ايتا كەتەيىك، قۋانىش ءابدىراحمانوۆتىڭ وتباسى مۇشەلەرىنىڭ بارلىعى كوۆيدكە قارسى ەكپە العان. 23-ءساۋىر كۇنى ەكپەنىڭ ءبىرىنشى كومپونەنتىن سالدىرعان قاريا ارادا 21 كۇننەن كەيىن ۆاكتسينانىڭ ەكىنشى كومپونەنتىن قابىلداۋى قاجەت.
شىمكەنت قالاسى اكىمدىگىنىڭ ءباسپاسوز قىزمەتى
