Shymkent qalasynyń 90 jastaǵy turǵyny Qýanysh Ábdirahmanov óz erkimen jergilikti tirkelgen emhanasyna kelip, kovıdke qarsy vakına saldyrdy.
Bir ǵasyrǵa jýyq ómir súrgen qarııa – Shymkent qalasynyń qurmetti azamaty. Álemdegi jaǵdaıdan kúndelikti habardar bolyp otyrǵan qart kisi vakına qabyldaýdy jón kórgen.
Ekpeden aldyn qarııany dárigerler tekserýden ótkizgen. Qarsy kórsetilimder bolmaǵandyqtan, «Spýtnık-V» vakınasynyń I-komponentin salyp berdi.
– Oılana kele óz erkimmen vakına vakına saldyrýǵa sheshim qabyldadym. Biz vırýsty osylaı jeńemiz. Kópshilikke vakınadan qorqýdyń qajeti joq ekenin aıtqym keledi, – deıdi qarııa.
Aıta keteıik, Qýanysh Ábdirahmanovtyń otbasy músheleriniń barlyǵy kovıdke qarsy ekpe alǵan. 23-sáýir kúni ekpeniń birinshi komponentin saldyrǵan qarııa arada 21 kúnnen keıin vakınanyń ekinshi komponentin qabyldaýy qajet.
Shymkent qalasy ákimdiginiń baspasóz qyzmeti
