شىمكەنت قالاسىندا بيىلعى جوسپار بويىنشا 3 ماگيسترالدى جانە 9 تۇرعىن الاپتىڭ اۋىز سۋ قۇبىرى جۇرگىزىلەدى. بۇل باعىتتاعى جۇمىستارعا 15,6 ملرد. تەڭگە كولەمىندە مەملەكەتتەن قارجى قارالىپ وتىر. وسىنىڭ ەسەبىنەن 26 مىڭعا جۋىق ادام اۋىز سۋعا قوسىلىپ، كورسەتكىش 98 پايىزعا جەتكىزىلەدى دەپ جوسپارلانۋدا.
جىل باسىنان بەرى تۇران، اسار-2, سولتۇستىك ساياجاي، ىنتىماق-2 جانە جاڭاتۇرلان، باتىس پەن جاڭاتالاپ شاعىن اۋدانداردىڭ ىشكى اۋىز سۋ جۇيەلەرىنىڭ قۇرىلىسى جۇرگىزىلۋدە. سونىمەن قاتار، 4,48 شاقىرىمدى قۇرايتىن كومەشبۇلاق، 9,37 شاقىرىم جانە 10,61 شاقىرىم بولاتىن 3 ماگيسترالدى سۋاققىنىڭ قۇرىلىسى جۇرگىزىلۋدە.
شىمكەنت قالاسى اكىمدىگىنىڭ ءباسپاسوز قىزمەتى
