شىمكەنتتە قالالىق ءبىلىم باسقارماسىنىڭ جانە باسقارماعا قاراستى مەملەكەتتىك ءبىلىم بەرۋ مەكەمەلەرىنىڭ قىزمەتكەرلەرى كوروناۆيرۋسقا قارسى ەكپەنى سالدىرۋدى جالعاستىرۋدا.
وسىعان دەيىن ءبىلىم سالاسىندا جۇمىس ىستەيتىن 8 مىڭعا جۋىق قىزمەتكەر ۆيرۋسقا قارسى ۆاكتسينا العان. بۇل جالپى قىزمەتكەرلەردىڭ 30 پايىزىن قۇراپ وتىر. باسقارما تاراپىنان قىزمەتكەرلەر اراسىندا قاۋىپتى ىندەتكە قاتىستى ۆاكتسيناتسيانى جاپپاي سالدىرۋ بويىنشا ءتيىستى ءتۇسىندىرۋ جۇمىستارى اتقارىلىپ جاتىر. سونىمەن قاتار، ىندەتتىڭ ۋشىعۋىنا بايلانىستى باسقارما عيماراتىندا جانە ءبىلىم بەرۋ ۇيىمدارىندا كۇندەلىكتى كارانتين تالاپتارىن كۇشەيتۋ باعىتىندا ءتيىستى ءىس-شارالار جۇرگىزىلۋدە.
بۇگىن ءبىر كۇننىڭ ىشىندە 1 مىڭنان استام قىزمەتكەر ۆاكتسيناتسيالاندى.
شىمكەنت قالاسى اكىمدىگىنىڭ ءباسپاسوز قىزمەتى
