اقتوبەدە Nexia كولىگى 8 جاسار ۆەلوسيپەدشىنى قاعىپ كەتتى

2421
Adyrna.kz Telegram

28 ساۋىردە مارتۋك اۋىلىنداعى، بايتۇرسىنوۆ كوشەسىندە Daewoo Nexia كولىگىنىڭ 29 جاستاعى جۇرگىزۋشىسى، ۆەلوسيپەدشىنى قاعىپ كەتتى، دەپ حابارلايدى "ادىرنا" ۇلتتىق پورتالى.

اقتوبە وبلىسى پوليتسيا باسقارماسىنىڭ ءباسپاسوز قىزمەتىنىڭ حابارلاۋىنشا، 8 جاسار بالا اپاتقا ۇشىرادى. اپات سالدارىنان جاراقات العان بالا اقتوبە اۋرۋحاناسىنا جەتكىزىلدى.

ء"بىز جۇرگىزۋشىلەرگە وتە مۇقيات بولۋعا شاقىرامىز. بالا كەز-كەلگەن ۋاقىتتا جولدا پايدا بولۋى مۇمكىن! مۇنى قوعامدىق كولىك ايالدامالارىندا، اۋلالار مەن ويىن الاڭدارىندا، ساياباقتار مەن الاڭداردا ءجۇرۋ جىلدامدىعىن باسەڭدەتۋدى ۇمىتپاڭىز. ۆەلوسيپەد - بۇل كولىك قۇرالى، ياعني اۆتوكولىككە تيەسىلى جول ەرەجەلەرىنىڭ بارلىق تالاپتارى، ۆەلوسيپەدشىلەرگە دە تيەسىلى. سونىمەن قاتار، جاياۋ جۇرگىنشىلەر وتكەلىنە جاقىنداعاندا ۆەلوسيپەدشى اسىقپاي، جولدى جاياۋ جۇرگىنشىلەرگە بەرىپ، ۆەلوسيپەدىن جانىندا سۇيرەتىپ وتۋگە مىندەتتى", دەدى اقتوبە وبلىسىنىڭ پد باستىعى اتىعاي ارىستانوۆ.

"ادىرنا" ۇلتتىق پورتالى

(فوتو اشىق دەرەككوزدەن)

پىكىرلەر