ءال-فارابي داڭعىلىندا ءۇش ادامنىڭ ءومىرىن قيعان جول-كولىك وقيعاسىنا كىنالى ازامات امنيستياعا ىلىكپەيدى. بۇل تۋرالى بۇگىن، 3 ماۋسىم كۇنى ءماجىلىس كۋلۋارىندا ىشكى ىستەر ءمينيسترىنىڭ ورىنباسارى سانجار ءادىلوۆ ايتتى، دەپ حابارلايدى «ادىرنا» ءتىلشىسى.
ء«ىىم جازانىڭ بۇلتارتپاستىعى قاعيداتىن قامتاماسىز ەتۋ بويىنشا ءوز مىندەتىن تولىق ورىندادى. ءىس جان-جاقتى، تولىق ءارى وبەكتيۆتى تەرگەلدى. قىلمىستىق ءىس ماتەريالدارى سوتقا جولداندى»،– دەدى ول.
سونداي-اق ءمينيستردىڭ ورىنباسارى جابىرلەنۋشىلەر سوتتا پاكتى كەشىرگەنىنە قاراماستان، بۇل ءىس بويىنشا تاراپتاردىڭ تاتۋلاسۋى مۇمكىن ەمەس ەكەنىن ناقتىلادى. الايدا جابىرلەنۋشىلەردىڭ ارىزى، كەلتىرىلگەن ماتەريالدىق جانە مورالدىق زياننىڭ وتەلۋى سوتتا جەڭىلدەتەتىن ءمان-جاي رەتىندە ەسكەرىلۋى مۇمكىن.
ءۇش ادامنىڭ ءومىرىن قيعان جول اپاتى 21 ناۋرىزعا قاراعان ءتۇنى ءال-فارابي داڭعىلىندا بولعان ەدى. اپات سالدارىنان Mercedes كولىگىنىڭ جۇرگىزۋشىسى مەن 20 جانە 22 جاستاعى ەكى قىز كوز جۇمعان. تەرگەۋ مالىمەتىنشە، Zeekr جۇرگىزۋشىسى الەكساندر پاك جول اپاتى بولعان ساتتە جەڭىل دارەجەدەگى الكوگولدىك ماساڭ كۇيدە بولعان. 7 ساۋىردە ول تەرگەۋ يزولياتورىنا ەتاپپەن جەتكىزىلدى.
بۇعان دەيىن مارقۇمداردىڭ تۋىستارى پاكقا كەشىرىم بەرىپ، شارتتى جازا سۇراعاندارى تۋرالى جازعان ەدىك.
