وسى جىلدىڭ اقپان ايىندا الماتى وبلىسى اكىمىنىڭ قابىلداۋىندا "Asyl Analar" قوعامدىق قورىنىڭ وكىلدەرى تىگىن تسەحىن ىسكە قوسۋ ءۇشىن جابدىقتار ساتىپ الۋعا كومەك كورسەتۋدى سۇرادى. بۇل باستامانى ءوڭىر باسشىسى اماندىق باتالوۆ قولداپ، جاقىن ارادا كوپ بالالى جانە از قامتىلعان انالاردى جۇمىسقا ورنالاستىرۋ ءۇشىن ارنايى تىگىن تسەحى اشىلاتىنىنا ۋادە بەردى. ۋادە ۇزاققا سوزىلمادى جانە بۇگىن ونىڭ سالتاناتتى اشىلۋى بولدى.
"جەتىسۋ" اكك "رير" اق تاپسىرماسىن ورىنداۋ اياسىندا تىگىن تسەحىن ورنالاستىرۋ ءۇشىن قالادا ءۇي-جاي تاڭدالدى. دەمەۋشىلىك قاراجات ەسەبىنەن تىگىن كاسىپورنىنىڭ تولىققاندى جۇمىس ىستەۋى ءۇشىن قاجەتتى جابدىقتاردى تولىق جابدىقتاۋ مەن جوندەۋ جۇمىستارى جۇرگىزىلدى. اكك "Jack" الەمدىك برەندى وندىرگەن زاماناۋي ونەركاسىپتىك تىگىن جابدىعىنىڭ 12 بىرلىگىن جانە باسقا دا قاجەتتى جابدىقتى ساتىپ الىپ، قارجىلىق ليزينگكە بەردى. تسەح "اتەلە" فورماتىندا جۇمىس ىستەپ، ايەلدەر مەن ەرلەردىڭ كيىمدەرىن تىگۋمەن، كەز كەلگەن كۇردەلى بۇيىمداردى قالپىنا كەلتىرۋمەن جانە جوندەۋمەن اينالىساتىن بولادى", - دەدى "جەتىسۋ" اكك "رير" اق رەسمي وكىلى دياس بەيسەنبەك.
تسەحتا 21 كوپ بالالى انا مەن ايەلدەر جۇمىسپەن قامتىلىپ، ودان ءارى 30-دان استام جۇمىس ورنى اشىلادى. كاسىپورىن الەۋمەتتىك وسال وتباسىلاردىڭ ءومىر ءسۇرۋ ساپاسىن ارتتىرۋعا جانە ولاردىڭ ەكونوميكالىق دەربەستىگىن نىعايتۋعا باعىتتالعان.
بەلگىلى بولعانداي، "Asyl Analar" قوعامدىق قورى 2020 جىلدىڭ قاراشا ايىندا كوپ بالالى انالار مەن از قامتىلعان ايەلدەرگە جۇمىسقا ورنالاسۋعا جاردەمدەسۋ ماقساتىندا اشىلدى.
"بۇگىنگى تاڭدا ءبىز دەمەۋشىلىك كومەكتىڭ ارقاسىندا مۇقتاج وتباسىلارعا كومىر، وتىن، ازىق-تۇلىك، كيىم-كەشەك جاعىنان كومەك كورسەتەمىز. ءبىزدىڭ كوپ بالالى انالار ءۇشىن مۇمكىن ەمەس ەشتەڭە جوق، ولاردىڭ بارلىعى وتە دارىندى. سوندىقتان ءبىز قاشانعى ۇنەمى كومەك سۇراپ، ءومىر سۇرەمىز دەپ ويلادىق. اقىلداسىپ، ارقايسىنىڭ قولىنان كەلەتىن ىسپەن ايلانىسايىق دەپ شەشتىك. ناتيجەسىندە ءبىز تىگىن تسەحىن اشا الامىز دەگەن قورىتىندىعا كەلدىك. ەڭ الدىمەن، مەملەكەت باسشىسى قاسىم – جومارت توقاەۆقا كوپ بالالى وتباسىلار مەن جالعىز باستى انالارعا قولداۋ كورسەتكەنى ءۇشىن العىسىمدى بىلدىرەمىن. سونداي-اق اماندىق عابباسۇلى، سونىڭ ارقاسىندا 30 ايەلدىڭ جۇمىسى بولادى. ارينە، ءونىى ىنىدە "جەتىسۋ" اكك بار. ولار بىزگە وسىنداي جارىق، ۇلكەن بولمەنى ۇسىندى، جابدىقتادى. سىزدەرگە العىسىمىز شەكسىز", - دەدى "Asyl Analar" قوعامدىق قورىنىڭ توراعاسى تالشىن تۇكتىنوۆا.
جاس مامان ايگەرىم اسانوۆا دا وز اسەرىمەن ءبولىستى:
ء"بىرىنشى كەزەكتە مەن "Asyl Analar" قوعامدىق قورىن كوپبالالى انالارعا ارنالعان وسى تىگىن تسەحىنىڭ اشىلۋىمەن قۇتتىقتايمىن. بۇرىن مەن جۇمىس ىستەمەدىم، بالا تاربيەسىمەن اينالىستىم. ءتورت ۇلىم بار. ەڭ ۇلكەنى 12 جاستا، ال ەڭ كىشىسى 2 جاستا. مەن جالعىزباستى انامىن جانە تۇراقتى تابىسىم بولۋى اسا ماڭىزدى. تىگىن تىگۋدى مەكتەپ بىتىرگەننەن كەيىن ۇيرەندىم، ەندى ءوز شەبەرلىگىمدى تاجىريبەدە شىڭدايتىن بولامىن", - دەيدى كوپ بالالى جاس انا.
ايتا كەتۋ كەرەك، بۇگىندە جاڭا تسەحتىڭ تىگىنشىلەرى "تالدىقورعان كوركەيتۋ"جشس قىزمەتكەرلەرىنە قاجەتتى مەديتسينالىق ماسكالار مەن فورمالار تىگۋگە كىرىستى.
