قازاقستاننىڭ مەملەكەتتىك باس سانيتار دارىگەرى ەرلان قياسوۆ قازاقستاندىقتارعا ەپيدەميولوگيالىق جاعدايى قولايسىز ەلدەرگە بارۋدان باس تارتۋدى سۇرادى، دەپ حابارلايدى كوروناۆيرۋستى تاراتپاۋ جونىندەگى ۆەدومستۆوارالىق كوميسسيا، دەپ حابارلايدى «ادىرنا» ۇلتتىق پورتالى Sputnik قازاقستان سايتىنا سىلتەمە جاساپ.
«مەن سىزدەردەن كوروناۆيرۋستىق ينفەكتسيا كەڭ تارالعان ەلدەرگە بارۋدان باس تارتا تۇرۋلارىڭىزدى سۇرايمىن. قازىرگى كەزدە كەڭ تارالعان ەلدەر ساناتىندا ءۇندىستان، تۇركيا، ەۋروپانىڭ كەيبىر ەلدەرى مەن لاتىن امەريكاسى جانە وڭتۇستىك-شىعىس ازيا ەلدەرى بار»، – دەدى قياسوۆ.
ول كوروناۆيرۋستىق ينفەكتسيانىڭ جىلدام جۇرەتىن جانە تەز تارالاتىن جاڭا ءتۇرى قوعام مەن جالپى دەنساۋلىق ساقتاۋ جۇيەسى ءۇشىن وتە قاۋىپتى ەكەنىن اتاپ ءوتتى.
«دەمالىستى كەيىنگە قالدىرا تۇرىڭىز. ويتكەنى بۇل ءسىزدىڭ دەنساۋلىعىڭىز ءۇشىن عانا ەمەس، جاقىندارىڭىزدىڭ ءومىرى ءۇشىن دە وتە ماڭىزدى»، – دەيدى دارىگەر.
ايتا كەتەيىك، قازاقستاندا كوروناۆيرۋس جۇقتىرعاندار سانى ارتىپ كەلەدى. دەنساۋلىق ساقتاۋ مينيسترلىگىنىڭ دەرەگىنشە، وتكەن تاۋلىكتە رەسپۋبليكا بويىنشا كوروناۆيرۋس ينفەكتسياسى 2 883 ادامنان انىقتالدى.
