Qazaqstannyń memlekettik bas sanıtar dárigeri Erlan Qııasov qazaqstandyqtarǵa epıdemıologııalyq jaǵdaıy qolaısyz elderge barýdan bas tartýdy surady, dep habarlaıdy koronavırýsty taratpaý jónindegi vedomstvoaralyq komıssııa, dep habarlaıdy «Adyrna» ulttyq portaly Sputnik Qazaqstan saıtyna silteme jasap.
«Men sizderden koronavırýstyq ınfekııa keń taralǵan elderge barýdan bas tarta turýlaryńyzdy suraımyn. Qazirgi kezde keń taralǵan elder sanatynda Úndistan, Túrkııa, Eýropanyń keıbir elderi men Latyn Amerıkasy jáne Ońtústik-Shyǵys Azııa elderi bar», – dedi Qııasov.
Ol koronavırýstyq ınfekııanyń jyldam júretin jáne tez taralatyn jańa túri qoǵam men jalpy densaýlyq saqtaý júıesi úshin óte qaýipti ekenin atap ótti.
«Demalysty keıinge qaldyra turyńyz. Óıtkeni bul sizdiń densaýlyǵyńyz úshin ǵana emes, jaqyndaryńyzdyń ómiri úshin de óte mańyzdy», – deıdi dáriger.
Aıta keteıik, Qazaqstanda koronavırýs juqtyrǵandar sany artyp keledi. Densaýlyq saqtaý mınıstrliginiń dereginshe, ótken táýlikte respýblıka boıynsha koronavırýs ınfekııasy 2 883 adamnan anyqtaldy.
